மிரிஹானில் கடையொன்றில் ஏற்பட்ட தீ விபத்தில் ஒருவர் உயிரிழந்துள்ளார்
மிரிஹான எந்திரேகோட்டே சந்தியில் உள்ள கட்டிடப் பொருட்கள் கடை ஒன்றில் இன்று காலை ஏற்பட்ட தீ விபத்தில் வயோதிபர் ஒருவர் உயிரிழந்துள்ளதாக மிரிஹான தலைமையக பொலிஸார் தெரிவித்துள்ளனர்.
லக்ஷ்மன் சரத் குமார் என்ற 63 வயதுடைய நபரே தீயில் சிக்கி உயிரிழந்துள்ளார்
தீ விபத்தின் போது, குறித்த நபர் கடை மாடியில் உறங்கிக் கொண்டிருந்ததாகவும், தீயினால் சம்பவ இடத்திலேயே உயிரிழந்துள்ளதாகவும் பொலிஸார் தெரிவித்தனர்.
உயிரிழந்தவர் அப்பகுதியில் உள்ள கடைகளில் கூலித் தொழிலாளி என்றும், அவர் உடல்நிலை சரியில்லாமல் இருந்ததால் கடையின் உரிமையாளர் அவருக்கு தங்குமிட வசதி செய்து கொடுத்துள்ளதாகவும் பொலிஸார் தெரிவிக்கின்றனர்.
தீ விபத்துக்கு காரணம் கொசுவர்த்தியா? மின் கசிவு காரணமாக இது நடந்ததா என்பது உறுதியாக தெரியவில்லை என போலீசார் தெரிவித்தனர்
தீயினால் கடைக்கு ஏற்பட்ட சேதம் இதுவரை மதிப்பிடப்படவில்லை.
தீ விபத்து ஏற்பட்டவுடன் கோட்டே மாநகர சபையின் தீயணைப்புத் துறை அதிகாரிகள் சம்பவ இடத்திற்கு விரைந்து தீயை அணைத்தனர்.
மின் வாரிய அதிகாரிகளும் வந்து மின்சாரத்தை துண்டிக்க நடவடிக்கை எடுத்துள்ளனர்.
பிற செய்திகள்