தமிழ், சிங்களம் கற்கும் இலங்கைக்கான அமெரிக்க தூதுவர்

கொழும்பு, பெப்.22

இலங்கைக்காக புதிய அமெரிக்க தூதுவர் ஜுலி ஜே.சன்ங் தமிழ், சிங்கள மொழி கற்கும் முயற்சியில் ஈடுபட்டுள்ளார்.

இது தொடர்பில் ஜுலி ஜே.சன்ங் தனது ருவிட்டர் பக்கத்தில் கூறியதாவது,

தமிழ், சிங்கள மொழிகளைக் கற்றுக்கொள்வது தகவல் தொடர்புக்கு மாத்திரமல்ல நாட்டின் கலாச்சாரம் மற்றும் வரலாற்றைக் கற்பதற்கும் உதவும். எனது உச்சரிப்பு சரியாகிவிடும் என்று நான் நம்புகிறேன்.

இலங்கைக்கான புதிய அமெரிக்க தூதுவராக ஜுலி ஜே.சன்ங் பதவியேற்பதற்காக கடந்த 18ஆம் திகதி இலங்கைக்கு வருகைத்தந்தமை குறிப்பிடத்தக்கதாகும்.