தைப்பொங்கல் தினத்தன்று கடலில் மூழ்கி காணாமல் போன மாணவர்களின் சடலங்கள் மீட்கப்பட்டுள்ளன.
மட்டக்களப்பு – கிரான், நாகவத்தை கடலில் குளிக்கச்சென்று காணாமற்போன மாணவர்கள் இருவரின் சடலங்களும் மீட்கப்பட்டுள்ளன.
மட்டக்களப்பு – வாழைச்சேனை பொலிஸ் பிரிவிற்குட்பட்ட நாகவத்தை கடற்பகுதியில் நேற்று முன்தினம் (14) பிற்பகல் பாடசாலை மாணவர்கள் 7 பேர் நீராடச் சென்றுள்ளனர்.
இதன்போது, மூவர் அலையில் அள்ளுண்டு செல்லப்பட்டதுடன், ஒருவர் காப்பாற்றப்பட்டிருந்தார்.
நீரில் மூழ்கி காணாமற்போயிருந்த ஏனைய இருவரும் நேற்று மாலையும், இரவும் சடலமாக மீட்கப்பட்டனர்.
இதேவேளை, களுகங்கையில் நீராடச் சென்ற நால்வரில் இருவர் சடலமாக மீட்கப்பட்டுள்ளமையும் குறிப்பிடத்தக்கது.
