சுகாதார ஊழியர்களின் பணி பகிஷ்கரிப்பால் பறிபோன உயிர்!

காலி கராப்பிட்டிய வைத்தியசாலையில் அனுமதிக்கப்பட்ட நோயாளி ஒருவர் சுகாதார ஊழியர்களின் பணி பகிஷ்கரிப்பினால் உயிரிழந்துள்ளார்.

மகாவலி அதிகார சபையில் கடமையாற்றும் காணி உத்தியோகத்தரான கரந்தெனிய பகுதியைச் சேர்ந்த பேதுருஹேவகே ரஞ்சித் என்ற 55 வயதுடைய இரண்டு பிள்ளைகளின் தந்தையே இவ்வாறு உயிரிழந்தார்.

உயிரிழந்த காணி அதிகாரியின் பிரேத பரிசோதனை காலி கராப்பிட்டிய போதனா வைத்தியசாலையின் மேலதிக மரண விசாரணை அதிகாரி சந்திரசேன லொக்குகேவினால் நேற்று மேற்கொள்ளப்பட்டது.

சுகயீனம் காரணமாக காலி கராப்பிட்டிய போதனா வைத்தியசாலையில் அனுமதிக்கப்பட்டார். எனினும் ஊழியர்கள் பணி பகிஷ்கரிப்பினால் அவருக்கு உரிய முறையில் சிகிச்சையளிக்கப்படவில்லை.

மருத்துவமனையில் கணவர் அனுமதிக்கப்பட்ட போதிலும், மருத்துவமனை ஊழியர்களின் வேலை நிறுத்தத்தால் அவரது இரத்தத்தை வடிகட்ட முடியவில்லை. இரத்தத்தை வடிகட்ட முடிந்திருந்தால், அவர் உயிர் பிழைத்திருக்க முடியும் என உயிரிழந்த நபரின் மனைவி தெரிவித்துள்ளார்.

உயிரிழந்தவரின் மனைவி குறிப்பிடுகையில்,

உயிரிழந்தவர் எனது கணவர். எங்களுக்கு 2 பிள்ளைகள் உள்ளனர். அவர் பல வருடமாக இதயம் மற்றும் கல்லீரல் நோயால் அவதிப்பட்டு வருகிறார். இந்த நோய்களுக்கு சிகிச்சை அளிக்கப்பட்டது. அவரும் மருத்துவமனையில் அனுமதிக்கப்பட்டார். கிளினிக்குகளுக்கும் சென்றார். உடல் நலக்குறைவு இருந்தபோதிலும், சிகிச்சை பெற்று சாதாரணமாக வேலை செய்ய முடிந்தது.

கடந்த ஆண்டு ஜனவரி 2021 முதல் கணவர் இரத்தக் கசிவை வாரம் வாரம் வடிகட்டுகிறார். இப்போது மூன்று மாதங்களாக வாரத்திற்கு இரண்டு முறை இரத்தத்தை வடிகட்டுகிறார். 30ஆம் திகதி அவருக்கு செய்யப்பட்ட பி.சி.ஆர். பரிசோதனையில் அவருக்கு கொரோனா தொற்று உறுதி செய்யப்பட்டது. இரண்டு நாட்கள் மருத்துவமனையில் இருந்து வீட்டிற்கு சென்றார். மூன்று நாட்களுக்குப் பின்னர் கராப்பிட்டிய வைத்தியசாலைக்கு வந்து இரத்தம் வடிகட்டிக் கொண்டார்.

கடந்த 8ஆம் திகதி கராப்பிட்டிய வைத்தியசாலைக்கு இரத்தத்தை வடிகட்ட வந்தார். வேலைநிறுத்தம் காரணமாக அவரை மருத்துவமனையில் தங்குமாறு மருத்துவமனை ஊழியர்களை தெரிவித்துள்ளனர். எனினும் அவரது இரத்தம் வடிக்கட்டப்படாமையினால் அவர் இரவு உயிரிழந்துவிட்டதாக தெரியவந்துள்ளது.

சிறுநீரக செயலிழப்பு மற்றும் நீரிழிவு நோயின் தீவிரம் காரணமாக மரணம் ஏற்பட்டதாக மரண விசாரணை அதிகாரிகள் தெரிவித்துள்ளனர். எப்படியிருப்பினும் இரத்தத்தை வடிகட்ட முடிந்திருந்தால், அவர் உயிர் பிழைத்திருக்க முடியும் என உயிரிழந்த நபரின் மனைவி தெரிவித்துள்ளார்.

பயங்கரவாத தடைச்சட்டத்தை திருத்துவதற்கான சட்டமூலம் நாடாளுமன்றில் முன்வைப்பு!