இலங்கை காவல்துறை மற்றும் பொது பாதுகாப்பு அமைச்சு இணைந்து நடாத்தும் நீதி நடவடிக்கை வேலைத்திட்டம் தொடர்பில் தமது கவலையை வெளிப்படுத்துவதாக இலங்கை மனித உரிமைகள் ஆணைக்குழு தெரிவித்துள்ளது.
ஆணைக்குழு விடுத்துள்ள அறிக்கையில் இதனைத் தெரிவித்துள்ளது.
காவல்துறையினருடன் சேர்ந்து பத்திரிக்கையாளர்கள் தேடுதல், கைது போன்ற வீடியோ காட்சிகளை ஒளிபரப்புவது தனியுரிமை மீதான கடுமையான படையெடுப்பு என்று அவர்கள் வலியுறுத்துகின்றனர்.
போதைப்பொருள் மற்றும் பாதாள உலகத்தை ஒடுக்கும் நோக்கில் நீதி நடவடிக்கை ஆரம்பிக்கப்பட்டது.
டிசம்பர் 17 முதல் 31 வரை 20,000க்கும் மேற்பட்ட சந்தேக நபர்கள் கைது செய்யப்பட்டுள்ளதாக காவல்துறை தெரிவித்துள்ளது.
இவ்வாறு கைது செய்யப்படுபவர்கள் பல்வேறு சித்திரவதைகளுக்கு உட்படுத்தப்படுவதாக முறைப்பாடுகள் கிடைத்துள்ளதாகவும் இலங்கை மனித உரிமைகள் ஆணைக்குழு சுட்டிக்காட்டியுள்ளது.
