மேஷம்
வரவுக்கு மீறிய செலவு ஏற்படும். எதிலும் சற்று சிக்கனத்தோடு செயல்படவும். குடும்பத்தில் ஒற்றுமை சிறப்பாக இருக்கும் என்றாலும் பேச்சில் கவனமாக இருப்பது நல்லது. ஒன்றும் இல்லாத காரணத்திற்கு வீண் வாக்குவாதங்கள் ஏற்படலாம். முன்கோபத்தைக் குறைத்துக் கொள்வது நல்லது.
பணவரவுகள் சிறப்பாக இருந்து எதையும் சமாளிக்கக்கூடிய நிலை இருந்தாலும், பொறுமையுடன் செயல்படுவது நல்லது. அதிலும் குறிப்பாக மற்றவர்கள் விஷயத்தில் தலையிடாமல் இருப்பது நல்லது.
ரிஷபம்
பேச்சிலும், செயலிலும் கவனமாக இருப்பது நல்லது. நீங்கள் நல்லதாக பேசினாலும், மற்றவர்களுக்கு தப்பாக உங்களின் பேச்சு தெரியும் என்பதால் மற்றவர்கள் விஷயத்தில் தலையிடாமல் இருப்பதும், குடும்ப விஷயங்களை மற்றவர்களிடம் பகிர்ந்து கொள்ளாமல் இருப்பது நல்லது.
தொழில் ரீதியாக லாபகரமான பலனை அடையக்கூடிய நிலை இருந்தாலும், வேலை ஆட்களை சற்று அனுசரித்து செல்ல வேண்டியது உத்தமம். உத்தியோகஸ்தர்களுக்கு அனுகூலமான பலன் இருந்தாலும், சக ஊழியர்களுடன் வாக்குவாதங்களைத் தவிர்த்துக் கொள்வது அவசியம்.
மிதுனம்
நீங்கள் எடுக்கும் முயற்சியில் அனுகூலமான பலனை அடைவீர்கள். நீண்ட நாட்களாக உங்களுக்கு இருந்த பிரச்னைகள் விலகும். உங்களுக்கு இருந்த மறைமுக எதிரிகள் நீங்குவார்கள். குடும்பத்தில் கணவன் மனைவி இடையே ஒற்றுமை சிறப்பாக இருக்கும். குடும்பத்தில் பிள்ளைகள் வழியே ஒரு நல்ல விஷயங்கள் நடக்கும்.
தொழில் ரீதியாக பார்க்கும் போது புதிய முயற்சிகளில் ஈடுபட்டு தொழிலை விரிவுபடுத்துதல் போன்ற நிகழ்வுகள் நடக்கும். உத்தியோகத்தைப் பொறுத்த வரையில் உங்களுக்கு இருந்த வேலைப்பளு, பழிச்சொற்கள் விலகி நல்ல பெயரை எடுக்கலாம். உங்களின் ஆரோக்கியம் சிறப்பாக இருப்பதால் சுறுசுறுப்பாக செயல்படுவீர்கள். இருப்பினும் வாகனத்தில் செல்லும் போது கவனமாக இருப்பது நல்லது.
கடகம்
இன்று உங்களுக்கு பண வரவு திருப்திகரமாக இருந்து, உங்கள் தேவைகளை நிறைவேற்றிக் கொள்ளக்கூடிய அருமையான நாள். குடும்பத்தில் மங்களகரமான காரியங்கள் கைகூடும். கொடுத்த வாக்குறுதிகளைக் காப்பாற்றுவீர்கள்.
தொழில் ரீதியாக நீங்கள் நெருக்கடியான சூழ்நிலைகளை எதிர்கொண்டு எளிதில் சமாளித்து லாபகரமான பலன்களை அடைவீர்கள். உத்தியோகத்தில் உங்கள் மேலதிகாரிகளின் ஆதரவைப் பெறுவீர்கள் என்பதால், எதையும் சாதிக்கக்கூடிய ஆற்றலும், மன நிலையும் இருக்கும்.
சிம்மம்
உங்கள் ராசிக்கு காலை 10.30 மணி வரை சந்திராஷ்டமம் உள்ளது. அதன் பின்னர் உங்களுடைய பலமும், வளமும் அதிகரிக்கும். எடுக்கும் முயற்சியில் ஒரு ஏற்றம் மிகுந்த பலனைப் பெறலாம். மற்றவர்களுக்கு நீங்கள் கொடுத்த வாக்குறுதிகளைக் காப்பாற்றக்கூடிய வாய்ப்புகள் இருக்கும். தம்பதிகளிடையே அன்னியோன்னியம் சிறப்பாக இருக்கும்.
தொழிலில் ஒரு நல்ல வாய்ப்புகள் தேடி வரும். உத்தியோகத்தில் அதிகாரிகளின் ஆதரவு இருந்தாலும், மற்றவர்களுடன் பேசும் போது நிதானத்தைக் கடைப்பிடிப்பது அவசியம்.
கன்னி
இன்று நாள் முழுவதும் சந்திராஷ்டமம் உள்ளதால் நீங்கள் சற்று பொறுமையோடு செயல்பட வேண்டிய நாள். உங்களுக்குப் பண வரவு சிறப்பாக இருந்து குடும்பத்தின் அனைத்து தேவைகள் நிறைவேற்றிக் கொள்வீர்கள் என்றாலும், செலவு செய்வதிலும், செயல்படுவதில் கவனமாக இருப்பது அவசியம்.
இன்று நீங்கள் நினைத்த காரியங்களை முடிப்பதில் அலைச்சல் ஏற்படக்கூடும் என்பதால், எளிதில் முடியக்கூடிய காரியங்கள் கூட சற்று காலதாமதம் ஆக வாய்ப்புள்ளது. இருப்பதை அனுபவிப்பதற்குக் கூட இயலாத நிலை இருக்கும்.
எந்த செயலை செய்வதாக இருந்தாலும் சற்று யோசித்து, நிதானமாக செயல்படவும். முடிந்த வரை அடுத்தவர்களின் விஷயத்தில் தலையீடாமல் இருப்பது மிக அவசியம். குறிப்பாக பயணங்களை தவிர்ப்பது நல்லது. தொழிலில் பணிச்சுமை இருக்கும். வேலையாட்களுடன் உறவில் கசப்பு இருக்கும். உடல் அசதி ஏற்பட வாய்ப்புள்ளது.
துலாம்
நீங்கள் சற்று முன்கோபத்தை கட்டுப்படுத்தி நிதானமாக செயல்பட்டால் லாபகரமான பலன்களை நிச்சயம் பெறலாம். உங்களுடைய செயல்களுக்கு உடன் இருப்பவர்களின் ஆதரவு இருக்கும்.தொழில் ரீதியாக இருந்த பிரச்னைகள் விலகி அனுகூலமான பலன்கள் கிடைக்கும்.
உத்தியோகத்தில் இருப்பவர்களுக்கு நல்ல வாய்ப்புகள் கிடைக்கும். அதிகாரிகளிடம் பேசும் போது வாக்குவாதங்களைத் தவிர்த்து பேசுவது அவசியம். சிலருக்கு எதிர்பாராத உதவிகள் கிடைத்து குடும்பத்தில் மகிழ்ச்சியும், நிம்மதியும் கிடைக்கும். இதுபோன்ற அருமையான பலன்களைப் பெறக்கூடிய நாளாக இருக்கும்.
சின்ன சின்ன எதிர்ப்புகள் வந்தாலும், அதை சமாளித்து, நல்ல பலனைப் பெறக்கூடிய வகையில் செயல்படுவீர்கள். பண விஷயத்தில் கவனமாக இருப்பது, சிக்கனத்தை கவனத்தில் கொண்டு வீண் செலவுகளை கட்டுப்படுத்துவது அவசியம்.
விருச்சிகம்
உங்களுக்கு தேவையில்லாத அலைச்சல்கள் ஏற்படும். எளிதில் முடியக்கூடிய வேலைகள் கூட சற்று இழுபறியாக இருக்கும். தொழில் ரீதியாக அலைச்சல்கள் அதிகப்படியாக இருக்கும். வேலை ஆட்களை அனுசரித்து செல்வது அவசியம்.
பணப்புழக்கம் சிறப்பாக இருக்கும் என்றாலும் தேவையற்ற பயணங்கள் ஏற்படக்கூடும். உத்தியோகத்தில் வேலைப்பளு அதிகமாக இருக்கும். சக நண்பர்களுடன் பேசும்போது நிதானத்தைக் கடைப்பிடித்தால் எதையும் எதிர் கொள்ளக்கூடிய நல்ல நாளாக அமையும்.
தனுசு
உங்களுடைய பலமும், வலிமையும் அதிகரிக்கக்கூடிய இருக்கும் என்பதால், எந்த விஷயத்திலும் ஒரு வளமான பலன்களை அடைவீர்கள். கொடுத்த வாக்குறுதிகளை காப்பாற்றக்கூடிய அருமையான வாய்ப்பு இருக்கும். நண்பர்களால் அனுகூலம் இருக்கும். கணவன் மனைவி இடையே ஒற்றுமை இருக்கும்.
கடந்த கால சோதனைகள் எல்லாம் விலகி, ஒரு வளமான பலனை எதிர்பார்க்கலாம். வாகனங்களில் செல்லும் போது பொறுமையோடு செல்லவும். உணவு விஷயத்தில் கட்டுப்பாட்டுடன் இருக்க ஆரோக்கியம் சிறப்பாக இருக்கும்.
மகரம்
ஒரு வளமான பலனை அடைவீர்கள். உடன் இருப்பவர்கள் ஆதரவாக இருப்பார்கள். உங்களின் செயல்கள் வெற்றி அடையும். கொடுத்த வாக்குறுதிகளை எளிதில் காப்பாற்றுவீர்கள். தொழில் ரீதியாக ஒரு வளமான பலனை அடையக்கூடிய அதிர்ஷ்டமான நாள். வேலையாட்கள் சாதகமாக செயல்படுவார்கள்.
உத்தியோகத்தில் உங்களுக்கு நல்ல வாய்ப்புகள் தேடி வரும். நீண்ட நாட்களாக வேலை இல்லாமல் இருந்தவர்களுக்குக் கூட ஒரு நல்ல நிறுவனத்திலிருந்து நல்ல வாய்ப்புகள் கிடைக்கும். சிலருக்கு வெளியூரிலிருந்து கூட நல்ல செய்தி கிடைக்கும்.
கும்பம்
உங்களுடைய செயல்பாடுகளுக்கு பரிபூரண வெற்றி வாய்ப்புகள் கிடைக்கும். குடும்பத்தில் மகிழ்ச்சிகரமான சூழல் இருக்கும். கொடுத்த வாக்குறுதிகளை எளிதில் காப்பாற்றுவீர்கள். தொழில் ரீதியாக பண பற்றாக்குறையை எளிதாக சமாளிப்பீர்கள். லாபகரமான பலனை அடைவீர்கள்.
உத்தியோகத்தைப் பொறுத்த வரையில் அதிகாரிகளின் ஆதரவு இருப்பதால், கடினமாக வேலையைக் கூட எளிதில் செய்து முடிக்கக் கூடிய ஆற்றலைப் பெறுவீர்கள். கொடுத்த வாக்குறுதிகளைக் காப்பாற்றுவீர்கள். நண்பர்களால் அனுகூலமான பலன்கள் கிடைக்கும். குடும்பத்தில் மகிழ்ச்சியும், சந்தோஷமும் இருக்கும். பயணங்களால் அனுகூலமான பலன்களை அடைவீர்கள்.
மீனம்
உங்களுக்கு பல்வேறு வகையில் அனுகூலமான பலன்கள் ஏற்படும். பணவரவு தாராளமாக இருக்கும். உங்களின் அனைத்து தேவைகளும் பூர்த்தி செய்வீர்கள். நண்பர்கள் மூலம் நல்ல அனுகூலமான பலன் கிடைக்கும்.
குடும்பத்தில் கணவன் மனைவி இடையே ஒற்றுமை சிறப்பாக இருக்கும். தொழில் ரீதியாக பார்க்கும் போது கடந்த கால தொழில் தடைகள் நீங்கி ஒரு வளமான நிலை ஏற்படும்.
உத்தியோகத்தில் அதிகாரிகளின் ஆதரவு இருந்தாலும், மற்றவர்களின் வேலையை எடுத்து செய்ய வேண்டிய நிலை இருக்கும். பேச்சிலும், செயலிலும் ஒரு வளமான பலனை அடைவீர்கள். பயணங்கள் மூலம் நன்மை உண்டாகும்.
“கொழும்பு தமிழின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/colombotamil
Follow @ Google News: கூகுள் செய்திகள் பக்கத்தில் கொழும்பு தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Get the latest Tamil news here. You can also read all the news by following us on Twitter, Facebook and Telegram.
