கொழும்பு,ஜுன் 12
லபுகம மற்றும் கலட்டுவாவ நீர்த்தேக்கங்களில் இருந்து கொழும்புக்கு நீர் விநியோகிக்கும் பாரிய குழாயொன்று இன்று (12) காலை வெடிப்புக்குள்ளாகியுள்ளது.
ஹங்வெல்ல நகருக்கு அருகில் குறித்த குழாய் வெடிப்புக்குள்ளாகியுள்ளதாக தெரிவிக்கப்படுகிறது.
இதனால் அப்பகுதியில் சுமார் 8 அடி உயரத்திற்கு குழாய் நீர் பரவியதுடன், பல வீடுகள் வெள்ளத்தில் மூழ்கியுள்ளதாகவும் அறியமுடிகிறது.
அத்துடன், லோலெவல் வீதியின் ஒரு பகுதியில் சுமார் 15 அடி ஆழத்தில் பெரிய பள்ளம் ஏற்பட்டுள்ளதுடன், அவ்வீதியூடான போக்குவரத்தும் தடைப்பட்டுள்ளது.
