பாகிஸ்தான் கிரிக்கெட் சபையின் தலைவராக உள்ள இசான் மணியின் பதவிக்காலம் நாளையுடன் (25) முடிவடைகிறது. அவரது பதவிக் காலத்தை நீட்டிக்க அந்த நாட்டின் பிரதமரான இம்ரான் கான் விரும்பவில்லை.
இதையடுத்து பாகிஸ்தான் கிரிக்கெட் வாரியத்திற்கு புதிய தலைவர் நியமிக்கப்பட உள்ளார். நேற்று பிரதமர் அலுவலகத்தில், பாகிஸ்தான் கிரிக்கெட் சபையின் தற்போதைய தலைவர் இசான் மணி மற்றும் பாகிஸ்தான் அணியின் முன்னாள் அணித்தலைவரும் வர்ணனையாளருமான ரமீஸ் ராஜா ஆகிய இருவரும் பிரதமர் இம்ரான் கானுடன் ஆலோசனை நடத்தினர்.
இதையடுத்து பாகிஸ்தான் கிரிக்கெட் சபையின் புதிய தலைவராக ரமீஸ் ராஜாவை நியமிக்கும்படி பிரதமர் இம்ரான் கான் முன்மொழிந்திருப்பதாக நெருங்கிய வட்டாரங்கள் தெரிவித்துள்ளன.
முன்னதாக, பாகிஸ்தான் கிரிக்கெட் வாரியத்தின் தலைவராக வாய்ப்புள்ள பட்டியலில் பாகிஸ்தான் கிரிக்கெட் அணியின் முன்னாள் வீரர் மஜித் கானின் பெயரும் அடிபட்டிருந்தது.
ஆனால் மஜித் கான், பிரதமர் இம்ரான் கானின் நெருங்கிய உறவினர் என்பதால், தான் அப்பதவியை ஏற்க விரும்பவில்லை எனத் தெரிவித்து விட்டதாக கூறப்படுகிறது.
“கொழும்பு தமிழின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/colombotamil
Get the latest Tamil news and Entertainment news here. You can also read all the Entertainment news by following us on Twitter, Facebook and Telegram.
Follow @ Google News: கூகுள் செய்திகள் பக்கத்தில் கொழும்பு தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Tamil News App: உடனுக்குடன் உலக நிகழ்வுகளை உங்களது கொழும்பு தமிழ் ஆப்பில் நொடியில் பார்க்கலாம்.
