அடுத்த மாதம் இலங்கைக்கு சுற்றுப்பயணம் மேற்கொள்ளும் நியூசிலாந்து ஒருநாள் மற்றும் டி20 அணி வீரர்களின் விபரம் அறிவிக்கப்பட்டுள்ளன.
அதன்படி, இலங்கைக்கான வெள்ளைப்-பந்து சுற்றுப் பயணத்துக்கான நியூஸிலாந்து கிரிக்கெட் அணியின் தலைவராக மிட்செல் சான்ட்னர் பெயரிடப்பட்டுள்ளார்.
கேன் வில்லியம்சன் இந்த ஆண்டின் தொடக்கத்தில் அணியின் வெள்ளைப் – பந்து தலைவர் பதவியில் இருந்து விலகினார்.
நாதன் ஸ்மித் மற்றும் விக்கெட் காப்பாளரும் துடுப்பாட்ட வீரருமான மிட்ச் ஹே ஆகியோர் அணிக்கு திரும்ப அழைக்கப்பட்டுள்ளனர்.
இந்தியாவில் நடப்பு டெஸ்ட் சுற்றுப்பயணத்தில் பங்கு கொண்டுள்ள 6 வீரர்களும் அணியில் சேர்க்கப்பட்டுள்ளனர்.
எதிர்வரும் நவம்பர் 9 ஆம் திகதி தொடங்கும் இந்தத் தொடரில் இரண்டு டி20 போட்டிகள் மற்றும் மூன்று ஒருநாள் போட்டிகள் உள்ளன.
நியூஸிலாந்து அணி விபரம்:
மிட்செல் சான்ட்னர் (தலைவர்), மைக்கேல் பிரேஸ்வெல், மார்க் சாப்மேன், ஜோஷ் கிளார்க்சன், ஜேக்கப் டஃபி, லாக்கி பெர்குசன், சாக் ஃபோல்க்ஸ், டீன் ஃபாக்ஸ்கிராஃப்ட், மிட்ச் ஹே (விக்கெட் காப்பாளர்), ஹென்றி நிக்கோல்ஸ், க்ளென் பிலிப்ஸ், டிம் ரோபின்சன், நாதன் ஸ்மித், இஷ் சோதி மற்றும் வில் யங்.
