நிதி மோசடி செய்வதற்காக வட்ஸ்அப் கணக்குகளை அங்கீகரிக்கப்படாத முறையில் அணுகுவது குறித்து பொலிஸார் பொதுமக்களுக்கு எச்சரிக்கை விடுத்துள்ளனர்.
நிதி மோசடி செய்பவர்கள் WhatsApp தளத்தைப் பயன்படுத்தி போலி செய்திகள் மற்றும் இணைப்புகளை அனுப்பும் சம்பவங்கள் அதிகரித்து வருவதாகவும்,
இதன் மூலம் பயனர்களின் வட்ஸ்அப் கணக்குகளுக்கு அங்கீகரிக்கப்படாத முறையில் அணுகலைப் பெற்று நிதி மோசடி செய்வதாகவும் குற்றப் புலனாய்வுத் திணைக்களத்தினர் கண்டறிந்துள்ளதாக பொலிஸார் தெரிவித்துள்ளனர்.
இந்த சந்தர்ப்பங்களில், மோசடி செய்பவர்கள் பயனரிடமிருந்து WhatsApp OTP-ஐ பெற்று கணக்கைக் கட்டுப்படுத்துவதாகவும் பின்னர்,
அவர்கள் திருடப்பட்ட கணக்கைப் பயன்படுத்தி பயனரின் தொடர்புகளுக்கு போலி செய்திகளை அனுப்புவதாகவும், இது மோசடியை மேலும் அதிகரிப்பதாகவும் தெரிவிக்கப்பட்டுள்ளது.
இது பாதிக்கப்பட்டவர்களுக்கு குறிப்பிடத்தக்க நிதி இழப்புகளுக்கு வழிவகுத்துள்ளதாகவும் இதுபோன்ற மோசடி நடவடிக்கைகள் குறித்து விழிப்புடன் இருக்கவும்,
தேவையான முன்னெச்சரிக்கை நடவடிக்கைகளை எடுக்கவும் பொதுமக்களுக்கு அறிவுறுத்திய பொலிஸார் , தங்கள் OTP-ஐ யாருடனும் ஒருபோதும் பகிர்ந்து கொள்ள வேண்டாம் என்று மேலும் கேட்டுக்கொண்டுள்ளனர்.
