நாட்டில் நுரையீரல் புற்றுநோய் வேகமாக அதிகரித்து வருவதாக வெலிசறை தேசிய மார்பு வைத்தியசாலையின் வைத்திய நிபுணர்கள் சுட்டிக்காட்டியுள்ளனர்.
அண்மையில் நடைபெற்ற ஊடகவியலாளர் சந்திப்பில் பங்கேற்ற அவர்கள், ஒவ்வொரு ஆண்டும் 2,000 – 3,000 நுரையீரல் நோயாளிகள் பதிவாவதாக தெரிவித்தனர்.
நுரையீரல் புற்றுநோய் ஆண்களிடையே இரண்டாவது மிகவும் பொதுவான புற்றுநோயாக மாறியுள்ளது என சுவாச நோய் வைத்திய நிபுணர் வைத்தியர் சமன் இத்தல்மல்கொட தெரிவித்தார்.
இந்த நுரையீரல் புற்றுநோய்க்கு புகைபிடித்தல் ஒரு முக்கிய காரணியாகும்.
மேலும், தற்போதைய ஆய்வு அறிக்கைகளின்படி, ஒருபோதும் புகைபிடிக்காதவர்களும் நுரையீரல் புற்றுநோயால் பாதிக்கப்பட்டுள்ளனர் என்பதைக் கண்டறிந்துள்ளோம்.
குறிப்பாக, புகைபிடிப்பதில் நேரடியாக ஈடுபடாத பெண்களும் நுரையீரல் புற்றுநோயால் பாதிக்கப்பட்டுள்ளனர்.
இது நமது காற்றில் உள்ள காற்று மாசுபாட்டிற்கும் நமது வீடுகளில் உள்ள காற்றுக்கும் நேரடித் தொடர்பைக் கொண்டிருக்கலாம். என்றார்.
இந்த ஊடக சந்திப்பில் கலந்து கொண்ட வைத்திய நிபுணர் எஷாந்த் பெரேரா, இந்த நோயின் அறிகுறிகளை குறைத்து மதிப்பிட முடியாது என்று கூறினார்.
குறிப்பாக இருமல் நீண்ட நேரம் நீடித்தால், இரண்டு அல்லது மூன்று வாரங்களுக்கு மேல் நீடித்தால், அல்லது அடிக்கடி வந்தால், அது மிக முக்கியமான அறிகுறியாகும்.
இன்னொரு விடயம், இருமும் போது இரத்தம் வருதல், சிலருக்கு சுவாசிப்பதில் சிரமம் ஏற்படல் போன்றவை மார்பக புற்றுநோயால் ஏற்படலாம்.
அத்துடன் மார்பகப் புற்றுநோய் அமைந்துள்ள பகுதியில் இருந்து மார்பு வலி பரவத் தொடங்கும் போது, பல்வேறு இடங்களில் வலிமிகுந்த நிலைமைகள் ஏற்படலாம்.
மேலும், சில நோயாளிகளுக்கு நீண்ட காலமாக இருக்கும் காய்ச்சல், பசியின்மை மற்றும் அசாதாரண எடை இழப்பு ஆகியவை இந்த நோயின் அறிகுறிகளாக இருக்கலாம்.என்றார்.
