நாவற்குழியில் இராணுவ சுற்றிவளைப்பின் காணாமல் ஆக்கப்பட்ட நபர்கள் தொடர்பான வழக்கு விசாரணை ஒத்திவைக்கப்பட்டுள்ளது.
நாவற்குழி பகுதியில் 1996 ஆம் ஆண்டு இராணுவத்தால் முன்னெடுக்கப்பட்ட சுற்றிவளைப்பின் பின்னர் காணாமல் ஆக்கப்பட்ட 24 பேர்களில் 3 போர் தொடர்பான ஆட்கொணர்வு மனு யாழ்.மேல் நீதிமன்றத்தில் தாக்கல் செய்யப்பட்டது.
குறித்த வழக்கானது தீர்ப்புக்காக இன்றையதினம் திகதியிடப்பட்டது. இருப்பினும் நீதிவான் இன்றையதினம் விடுமுறையில் இருந்த காரணத்தால் வருகின்ற ஓக்டோபர் மாதம் 24 ஆம் திகதி குறித்த வழக்கு விசாரணை ஒத்திவைக்கப்பட்டுள்ளது.
சம்பவம் நடைபெற்ற பகுதியானது சாவகச்சேரி நீதிமன்றத்தின் நியாயாதிக்க எல்லைக்குட்படுவதால் குறித்த வழக்கு சாவச்சேரி நீதிமான் நீதிமன்றத்தில் பாரப்படுத்தப்பட்டு விசாரணைகள் நடைபெற்று வருகின்றமை குறிப்பிடத்தக்கது.
