திருமலையில் மூன்று வாகனங்கள் மோதி கோர விபத்து; ஒருவர் அதிதீவிர சிகிச்சை பிரிவில்!

திருகோணமலை உட்துறைமுக வீதியில் இன்று (30) காலை மூன்று வாகனங்கள் ஒன்றுடன் ஒன்று மோதி விபத்துக்குள்ளாகியுள்ளது.

கார் – பட்டா – மோட்டார் சைக்கிள் ஆகிய மூன்று வாகனங்களே ஒன்றுடன் ஒன்று மோதி விபத்துக்குள்ளாகியுள்ளன.

மோட்டார் சைக்கிளில் பயணித்தவர்  படுகாயங்களுடன் திருகோணமலை வைத்தியசாலையில் அதிதீவிர சிகிச்சை பிரிவில்  அனுமதிக்கப்பட்டுள்ளார்  என  பொலிஸார் தெரிவித்தனர்.

விபத்து குறித்து, மேலதிக விசாரணைகளை  திருகோணமலை பொலிஸார் மேற்கொண்டு வருகின்றனர்.