வரவிருக்கும் தீபாவளிப் பண்டிகையை முன்னிட்டு, கிளிநொச்சி மாவட்டத்தில் புத்தாடைகள் மற்றும் பண்டிகைக்குத் தேவையான உலருணவுப் பொருட்களைக் கொள்வனவு செய்வதில் பொதுமக்கள் பெரும் ஆர்வம் காட்டி வருகின்றனர்.
தீபாவளிப் பண்டிகை நெருங்கி வரும் நிலையில், கிளிநொச்சி நகரப் பகுதி மற்றும் அதனைச் சார்ந்த முக்கிய வர்த்தக நிலையங்களில் வழக்கத்தை விடவும் மக்களின் வருகை அதிகரித்து காணப்படுகின்றது.
குறிப்பாக புடவைக் கடைகளில் குடும்பம் குடும்பமாக வருகை தரும் பொதுமக்கள், தங்கள் குடும்பத்தினருக்குப் புதிய ஆடைகளைத் தெரிவுசெய்து கொள்வனவு செய்து வருகின்றனர். அத்துடன், பண்டிகை காலத்தில் பலகாரங்கள் மற்றும் சிறப்பு உணவுகளைத் தயாரிப்பதற்காகத் தேவையான உலருணவுப் பொருட்கள் மற்றும் தானிய பொருட்களைக் கொள்வனவு செய்வதிலும் மக்கள் தீவிரமாக ஈடுபட்டு வருகின்றனர்.
மக்களின் வருகை அதிகரித்துள்ளதால் கிளிநொச்சி நகரின் முக்கிய வர்த்தக வீதிகள் மற்றும் சந்தைப் பகுதிகள் கலைகட்டியுள்ளதோடு, வர்த்தக நடவடிக்கைகளும் மிகவும் விறுவிறுப்பாக நடைபெற்று வருகின்றமை குறிப்பிடத்தக்கது.
