கொரோனா தடுப்பூசி உடலுக்கு தீங்கு விளைவிப்பதாக சிலர் கூறுவது ஆதாரமற்றது என்றும், தவறான தடுப்பூசியை எடுப்பதாக பொதுமக்களை அவர்கள் வலியுறுத்துவதாகவும் சுகாதார சேவைகளின் துணை பணிப்பாளர் நாயகம் டொக்டர் ஹேமந்த ஹேரத் தெரிவித்துள்ளார்.
மேலும் இலங்கையில் வழங்கப்பட்ட கோரோனா தடுப்பூசிகளுக்கு உலக சுகாதார ஸ்தாபனம் மற்றும் உலகம் முழுவதும் நடத்தப்பட்ட ஆராய்ச்சிகள் அனுமதி அளித்துள்ளன, அவற்றை இலேசாக எடுத்துக்கொள்ளக்கூடாது என்றும் அவர் மேலும் குறிப்பிட்டுள்ளார்.
இதேவேளை இலங்கையில் கொரோனா தடுப்பூசியின் இரண்டு அளவுகளையும் பெற்றவர்களின் எண்ணிக்கை 10 மில்லியனைத் தாண்டியுள்ளது. இது நேற்று முன்தினம் (செப். 9) கொவிட் தடுப்பூசி பெற்ற 352,008 பேரில் இருந்து அதிகரித்துள்ளது.
எனினும் , நாட்டில் இதுவரை 10,211,537 நபர்கள் இரண்டு டோஸ்களையும் பெற்றுள்ளனர். 13,264,806 பேர் இதுவரை முதல் மருந்தை எடுத்துள்ளனர்.
அத்தோடு 20 முதல் 30 வயதுக்குட்பட்டவர்களுக்கு கொவிட் -19 தடுப்பூசி திங்கள்கிழமை (செப். 6) தொடங்கியது மற்றும் 12 முதல் 18 வயதுக்குட்பட்ட பாடசாலை மாணவர்களுக்கு தடுப்பூசி போடுவதை துரிதப்படுத்த நடவடிக்கை எடுக்கப்படும் என்று சுகாதார அமைச்சர் கெஹெலிய ரம்புக்வெல்ல குறிப்பிட்டார்.
