உடனடியாக பாராளுமன்றத்தை கூட்டுமாறு பாராளுமன்ற உறுப்பினர் பாட்டாலி சம்பிக்க ரணவக்க கோரிக்கை விடுத்துள்ளார்.
இது தொடர்பில் அவர் மேலும் தெரிவிக்கையில்,
சபாநாயகர் இன்று (13) விடுத்துள்ள அறிக்கையில் மக்கள் போராட்டத்தை எதிர்கொண்டு நாட்டை விட்டுச் சென்ற ஜனாதிபதி கோத்தபாய ராஜபக்ஷ இன்னும் இராஜினாமா செய்யவில்லை என தெரியவருகிறது.
அயல் நாட்டில் ஒளிந்து கொண்டு நாட்டை சீர்குலைக்கும் கொடூர செயலில் ஈடுபடுகின்றனர். இந்த தீய செயலை நிறுத்திவிட்டு நாட்டின் பொது கருத்துக்கு அடிபணிந்து உடனடியாக இராஜினாமா செய்யுமாறு ஜனாதிபதி கோத்தபாய ராஜபக்ஷவிடம் தெரிவிக்கிறோம்.
அத்துடன் இந்த சூழ்நிலையில் 20 ஆம் திகதி நடத்த முன்மொழியப்பட்டுள்ள விகிதாச்சார ஜனாதிபதி தேர்தல் செல்லாது.செயல் தலைவராக நியமிக்கப்பட்டதாக கூறும் பிரதமர் தனது நியமனத்தை வெளிப்படையாக அறிவிக்க வேண்டும் மற்றும் அவர் செய்யும் ஒவ்வொரு செயலும் சட்டத்தின் அதிகாரத்திற்கும் மக்களின் விருப்பத்திற்கும் இணங்க வேண்டும்.
அவசரகால சட்டமூலம் தொடர்பில் உடனடியாக பாராளுமன்றத்தை அழைத்து தீர்மானம் எடுக்கவேண்டியது பிரதமர் ரணில் விக்ரமசிங்கவின் பொறுப்பு. அதேபோல தனது செயல்களை நியாயப்படுத்த தனக்கு பாராளுமன்ற அதிகாரமும் மக்கள் சக்தியும் உள்ளது என்பதை அவர் எடுத்துக்காட்ட வேண்டும்.
இந்த நெருக்கடியான தருணத்தில் ஆளும் கட்சியும் மக்களும் மிகுந்த பொறுப்புடன் செயல்பட்டால் மட்டுமே நிகழும் பொருளாதார நெருக்கடிக்கு கூடுதலாக இரத்தம் சிந்தும் உள்நாட்டுப் போர்களையும் தடுக்க முடியும். உடனடியாக பாராளுமன்றத்தை அழைக்குமாறு பிரதமருக்கும் சபாநாயகருக்கும் தெரிவிக்கிறோம்.
அத்துடன் போராட்டம் என்ற பெயரில் பொது சொத்துக்களை சேதப்படுத்துவதை தவிர்த்து அமைதியாகவும் பொறுப்புடன் செயற்படுமாறு மக்களிடமும் கேட்டுக்கொள்கிறோம் என தெரிவித்தார்.
பிறசெய்திகள்
