அமெரிக்க விண்வெளி மையமான நாசா, ஐரோப்பிய மற்றும் கனடா விண்வெளி மையங்களுடன் இணைந்து விண்வெளியை ஆய்வு செய்வதற்காக உருவாக்கிய ‘ஜேம்ஸ் வெப்’ எனும் தொலைநோக்கி மூலம் எடுத்த முதல் விண்வெளி ஒளிப்படத்தை வெளியிட்டுள்ளது.
அமெரிக்க ஜனாதிபதி ஜோ பைடன் இந்த ஒளிப்படத்தை நேற்றுமுன்தினம் வெள்ளைமாளிகையில் வெளியிட்டுள்ளார்.இதுகுறித்து நாசா நிர்வாகத் தலைவர் பில் நெல்சன் தெரிவிக்கையில்,
எம் பேரண்டத்தின் மிகத் துல்லியமான படம் இதுதான் என விண்வெளி ஆராய்ச்சியாளர்கள் மெய்சிலிக்கின்றனர்.‘ஜேம்ஸ் வெப்’ என பெயரிடப்பட்டுள்ள இந்த தொலைநோக்கி கடந்த டிசெம்பர் மாதம் பிரஞ்ச் கயானாவில் இருந்து விண்ணில் ஏவப்பட்டது. மொத்தம் 5 ரொக்கெட்டுகள் உதவியுடன் விண்ணில் இந்த தொலைநோக்கி ஏவப்பட்டது.இந்தத் தொலைநோக்கி சூரியனை சுற்றிய புவி வட்டப்பாதையில் இருந்து 15 லட்சம் கிலோமீற்றர் தொலைவில் நிலைநிறுத்த ப்பட்டுள்ளது.
‘ஜேம்ஸ் வெப்’ தொலைநோக்கியின் பிரதான இலக்குகளாக இந்தப் பிரபஞ்சத்தின் முதல் நட்சத்திரங்களை அதாவது 13.5 பில்லியன் ஒளியாண்டுகள் தொலைவில் இருக்கும் நட்சத்திரங்களை ஒளிப்படம் எடுப்பது மற்றும் வாழத்தகுதியான வேற்றுக்கிரகங்களைக் கண்டுபிடிப்பது ஆகியவை உள்ளன. இந்த ஒளிப்படங்கள் மூலம் அதில் முதல் படியை எடுத்துவைத்திருக்கிறது ஜேம்ஸ் வெப் தொலைநோக்கி.
இந்த நிலையில், ‘ஜேம்ஸ் வெப்’ தொலை நோக்கி பிரபஞ்சத் தின் அரிய ஒளிப் படங்களை பூமிக்கு அனுப்பிவைத்துள்ளது.
இதன்போது பூமியிலிருந்து 8 ஆயிரத்து 500 ஒளியாண்டுகள் தொலைவிலுள்ள கரீனா நிபுலா பிரபஞ்சம், ஆயிரத்து 150 ஒளியாண்டுகள் தொலைவில் ஸ்பெக்டர்ம் பிரபஞ்சம், 2 ஆயிரம் ஒளியாண்டுகள் தொலைவில் உள்ள சதர்ன் ரிங் நிபுலா பிரபஞ்சம், 290 மில்லியன் ஒளி ஆண்டுகள் தொலைவிலுள்ள ஸ்டீபன்ஸ் குவாண்ட் எனப்படும் 5 விண்மீன்களின் தொகுப்பு ஆகிய பிரபஞ்சங்களின் ஒளிப்படங்களை ஜேம்ஸ் வெப் தொலைநோக்கி பூமிக்கு அனுப்பி வைத்துள்ளது.
கரீனா நிபுலாவின் ‘என்.ஜி.சி. 3324’ என்று பெயரிடப்பட்டுள்ள இந்த பகுதியில் இருந்தே நட்சத்திரங்கள் உருவாகலாம் என்று நாசா விஞ்ஞானிகள் தெரிவித்துள்ளனர். நாசா வெளியிட்டுள்ள இந்த ஒளிப்படங்கள் பிரபஞ்சத்தின் பல்வேறு மர்மங்களையும் கலைக்கலாம் என்றும் நம்பப்படுகிறது. இது வெறும் ஆரம்பம்தான்– என்றார்.
இதேவேளை விண்வெளி ஆராய்ச்சியில் பிரதான தொலைநோக்கியாக இருந்துவந்தது ஹப்பிள் தொலைநோக்கி. 1990-ஆம் ஆண்டு நாசாவால் விண்ணுக்கு அனுப்பப்பட்டது . இந்தப் பிரபஞ்சத்தின் வயது 1,380 கோடி ஆண்டுகள் எனக் கண்டுபிடிக்க உதவியது ஹப்பிள் தொலைநோக்கியே.ஹப்பிள் தொலைநோக்கியைவிட 100 மடங்கு திறன்மிக்கது இந்த ஜேம்ஸ் வெப் விண்வெளித் தொலைநோக்கி என்பது குறிப்பிடத்தக்கது.
