கிழக்கு மாகாண மக்களுக்காக 400 கிராம் பால்மா 380 ரூபாய்க்கு விநியோகிக்கப்பட்டு வருகின்ற நிலையில், அதனை பெற்றுக் கொள்வதற்காக மக்கள் முண்டியடித்து சென்றுள்ளதாக,கிழக்கு மாகாண கூட்டுறவு அபிவிருத்தி ஆணையாளர் எ.எல்.எம்.அஸ்மியின் தெரிவித்துள்ளார்.
கிழக்கு மாகாண மக்களுக்கென 2 கோடி ரூபாய்க்கு பால்மா கொள்வனவு செய்யப்பட்டு, சகல கூட்டுறவுச் சங்கங்களினூடாக விநியோகிக்கவுள்ளதாக குறிப்பிட்டுள்ளார்.
அதன்படி, 3 கிலோகிராம் சீனி, 400 கிராம் அங்கர் பால்மா, 200 கிராம் தேயிலை, 1 உப்பு பக்கெட் அடங்கிய 1000 ரூபாய் பெறுமதியான உலருணவுப் பொதியை வழங்க நடவடிக்கை எடுக்கப்பட்டிருந்தது.
மேலும், காரைதீவு ப.நோ.கூ.சங்கத்துக்கு 1,340 பக்கெட் 400 கிராம் பால்மாவும், 53 பக்கெட் 1 கிலோகிராம் பால்மா பக்கெட்டும் கொள்வனவு செய்ததாக அச்சங்கத் தலைவர் வை.கோபிகாந் தெரிவித்தார்.
இவ்வாறு முன்னெடுக்கப்பட்ட நடவடிக்கை, மக்கள் மத்தியில் பலத்த வரவேற்பைப் பெற்றதுடன், இப்பொதியைப் பெற மக்கள் முண்டியடித்துள்ளமையும் குறிப்பிடத்தக்கது.
