விஷாலை ஆர்யா நிஜத்தில் தான் அடி நொறுக்கிவிட்டார் என்று நினைக்க வேண்டாம். எனிமி படத்திற்காக அடித்திருக்கிறார்.
ஆனந்த் ஷங்கர் இயக்கத்தில் விஷால், ஆர்யா உள்ளிட்டோர் நடித்திருக்கும் எனிமி படம் தீபாவளி பண்டிகை அன்று தியேட்டர்களில் ரிலீஸாகவிருக்கிறது.
படத்தில் விஷாலின் எதிரியாக நடித்திருக்கிறார் ஆர்யா. நிஜத்தில் இருவரும் நல்ல நண்பர்கள் ஆவர். இந்நிலையில் செய்தியாளர்கள் சந்திப்பில் கலந்து கொண்ட விஷால் கூறியதாவது,
எனிமி படம் தீபாவளிக்கு ரிலீஸாகிறது. தயாரிப்பாளர் வினோத்குமார் பணத்தை மட்டும் மனதில் வைத்து படம் தயாரிக்கவில்லை. அவர் நினைத்திருந்தால் எனிமி படத்தை ஓடிடிக்கு பெரிய தொகைக்கு கொடுத்திருக்கலாம். ஆனால் ரசிகர்கள் தியேட்டர்களில் பார்த்து ரசிக்க வேண்டும் என்று விரும்பி ரிலீஸ் செய்கிறார்.
அவர் தயாரிப்பில் மேலும் ஒரு படத்தில் நடிக்கிறேன். ஆனந்த் ஷங்கர் ஈகோ இல்லாதவர். அவர் என்னிடம் கதை சொன்னபோது இந்த படத்தில் ஆர்யா நடித்தால் நன்றாக இருக்கும் என்றேன். சரி என்று சொல்லி அற்புதமான திரைக்கதையுடன் வந்தார்.
எதையும் சீரியஸாக எடுத்துக் கொள்ளாத ஆள் ஆர்யா. ஆனால் தற்போது என்ன ஆனது என்று தெரியவில்லை திடீர் என்று நன்றாக நடித்த ஆரம்பித்துவிட்டார். எனிமி படத்தில் வரும் சண்டைக் காட்சி ஒன்றை படமாக்கியபோது அவர் சார்பட்டா படத்தில் நடித்துவிட்டு வந்தார்.
நிஜத்தில் பாக்சிங் கற்றிருந்ததால் என்னை அடி வெளுத்துட்டான். முன்னதாக ஆர்யாவுடன் சேர்ந்து அவன் இவன் படத்தில் நடித்தேன். இந்த படமும் சூப்பராக இருக்கும் என்றார்.
