பிரிவினைவாதத்திற்கு நிதி மற்றும் வேறு வழிகளில் உதவி செய்யும் 6 அமைப்புக்கள் மீதான தடை புலம்பெயர் தமிழர்களின் ஒற்றுமையுடன் நீக்கப்படும் என தேசிய அமைப்பு சங்கத்தின் ஊடகப் பேச்சாளர் கலாநிதி வசந்த பண்டார தெரிவித்துள்ளார்.
கொழும்பில் இன்று நடைபெற்ற ஊடகவியலாளர் சந்திப்பில் கலந்து கொண்டு கருத்து தெரிவிக்கும் போதே அவர் இதனை தெரிவித்தார்.
மேலும் கருத்து தெரிவித்த வசந்த பண்டார,
“பிரிவினைவாதம் மற்றும் பயங்கரவாதத்திற்கு உதவிய குற்றச்சாட்டின் கீழ் தமிழ் டயஸ் போராவின் அமைப்புகள் தடை செய்யப்பட்டன. அந்த 6 அரசியலமைப்புச் சட்டங்களின் தடைகள் திடீரென நீக்கப்பட்டுள்ளன. என்ன காரணத்திற்காக?
செப்டம்பர் 2001 இல் அமெரிக்க பயங்கரவாத தாக்குதலின் காரணமாக, ஐக்கிய நாடுகளின் பாதுகாப்பு கவுன்சில் உலகம் முழுவதும் பயங்கரவாதத்தை ஆதரிக்கும் அமைப்புகளை தடை செய்ய 1373 தீர்மானத்தை நிறைவேற்றியது. அந்த உடன்படிக்கையின் பிரகாரம்தான் 2012ஆம் ஆண்டு வர்த்தமானி அறிவித்தல் மூலம் பல நிறுவனங்களை தடை செய்கிறோம்.
நல்லாட்சி அரசாங்கம் அமைக்கப்பட்டதன் மூலம் ஐக்கிய நாடுகள் சபையின் மாநாட்டில் பாதுகாப்புப் படையினர் போர்க்குற்றங்களை இழைத்துள்ளனர் என்பதை ஒப்புக்கொண்டவுடன் இந்த அமைப்புகளுக்கான தடையை நீக்குவதாக ரணில் விக்கிரமசிங்க உறுதியளிக்கிறார்.
அதன்படி, 2015ல் 2 முக்கிய அமைப்புகளின் மீதான தடை நீக்கப்படுகிறது. 2021ஆம் ஆண்டு இந்தத் தடையில் இருந்து நீக்கப்பட்ட அமைப்புக்கள் தொடர்பில் மீள் விசாரணை நடத்தி வரும் கோத்தபாய ராஜபக்ஷ, பிரிவினைவாதத்திற்கு அந்த அமைப்புகள் உதவுகின்றன என்ற அடிப்படையில் ஒரு வருடத்திற்கு முன்னர் பெயர் சூட்டப்படுகிறது.
இங்கு மிகவும் ஆபத்தான விடயம் என்னவெனில், உங்களுக்கு டொலர்களை வழங்குவோம், 13வது அரசியலமைப்புத் திருத்தத்தை அமுல்படுத்தும் திருத்தங்களைக் கொண்டு வருவோம் என இந்த அமைப்புக்கள் தற்போது கூறுகின்றன.
