சீனக் கப்பலை இந்தியா உன்னிப்பாகக் கண்காணித்து வருகிறது: வீ. முரளிதரன்

இந்தியா,ஓக 21

இலங்கையில் தற்போது நிறுத்தப்பட்டுள்ள சீன உளவுக் கப்பலை இந்திய அரசு உன்னிப்பாகக் கண்காணித்து வருவதாக இந்திய வெளியுறவுத் துறை இராஜாங்க அமைச்சர் வீ. முரளிதரன் தெரிவித்துள்ளார்.

தேசிய பாதுகாப்பை உறுதிப்படுத்த இந்திய அரசு சரியான நேரத்தில் செயல்படும் என்றும் அவர் வலியுறுத்தினார்.

திருச்சியில் செய்தியாளர்களிடம் கருத்து தெரிவித்த அவர், சர்வதேச அளவில் கச்சத்தீவை மீட்பதற்காக இந்திய அரசு நீதித்துறை நடவடிக்கைகளை மேற்கொண்டு வருகிறது.

எனவே, இந்த விவகாரம் குறித்து அதிகம் பேசுவது பொருத்தமற்றது என்றும் அவர் கூறினார்.

(யுவான் வாங் 5 ஹம்பாந்தோட்டை துறைமுகத்தில் 2022.08.16)

ஹம்பாந்தோட்டை துறைமுகத்தில் தற்போது நிறுத்தப்பட்டுள்ள சீன உளவுக் கப்பல் குறித்த கேள்விக்கு பதிலளித்த அமைச்சர்,  நிலைமையை மத்திய அரசு உன்னிப்பாக கவனித்து வருகிறது.

தேசிய பாதுகாப்பு விடயத்தில் எந்தவித மென்மையான அணுகுமுறையும் இருக்காது என்றும் அமைச்சர் கூறினார்.

இதேவேளை, இலங்கையின் நிலைமையை இந்தியா புரிந்து கொண்டுள்ளதால், கப்பல் விவகாரம் பாரிய இராஜதந்திர மோதலை ஏற்படுத்தாது என நம்புவதாக சுற்றுலா அமைச்சர் ஹரின் பெர்னாண்டோ தெரிவித்துள்ளார்.

நாட்டின் சுற்றுலா துறையை மேம்படுத்துவதற்காக அஹமதாபாத்தில் இடம்பெறும் நிகழ்வில் அவர் இதனை தெரிவித்தார். சீனா இலங்கையில் நிறைய முதலீடுகளை செய்துள்ளது.

அத்துடன், கடந்த காலங்களில் அதன் தேவைகளை புரிந்து கொண்டு வருகிறது ஜனாதிபதி ரணில் விக்ரமசிங்கவும் வெளிவிவகார அமைச்சரும் இந்திய அரசாங்கத்துடன் தொடர்ந்து தொடர்பில் இருப்பதாக அமைச்சர் ஹரீன் பெர்னாண்டோ கூறினார்.