கொழும்பு,நவ 27
இவ்வருடம் க.பொ.த சாதாரண தரப் பரீட்சையில் முதற்தடவையாக தோற்றிய சுமார் 75 வீதமான மாணவர்கள் க.பொ.த உயர்தரத்திற்குத் தகுதி பெற்றுள்ளனர்.
குறைந்தபட்சம் ஐந்து சித்திகளைப் பெற்றவர்கள் கணிதப் பாடத்தில் சித்தியடையாத போதும் உயர்தர வகுப்புகளில் சேர முடியும் என பரீட்சைகள் திணைக்கள ஆணையாளர் எல்.எம்.டி. தர்மசேன தெரிவித்தார்.
முதல் தடவையாக பரீட்சைக்குத் தோற்றிய 311,321 மாணவர்களில் 231,982 பேர் அல்லது 74.5 வீதமானவர்கள் உயர்தரத்திற்குத் தகுதி பெற்றுள்ளனர்.
இந்த ஆண்டு மே-ஜூன் மாதங்களில் நடைபெற்ற 2021 க.பொ.த சாதாரண தரப் பரீட்சையில் மொத்தம் 518,245 பாடசாலை மற்றும் தனியார் பரீட்சார்த்திகள் பரீட்சைக்கு தோற்றினர்.
“இந்த ஆண்டு, 10,863 (3.49%) மாணவர்கள் 9A பெற்றுள்ளனர். ஆனால், கல்வி அமைச்சின் சுற்றறிக்கையின்படி, ஐந்து பாடங்களில் தேர்ச்சி பெற்ற மற்றும் கணிதத்தில் தோல்வியடைந்த மாணவர் கூட ஜி.சி.இ உயர்தர பரீட்சைக்கு தோற்ற முடியும்”
தர்மசேன தெரிவித்தார்.
இந்த ஆண்டு மாணவர்களின் தேர்ச்சி விகிதம் சற்று குறைந்துள்ளது. புள்ளிவிவரங்களின்படி, 2019 இல் 225,539 மாணவர்கள் (73.84%) தேர்ச்சி பெற்றனர். 2020 இல் 236,015 மாணவர்கள் (76.59%) தேர்ச்சி பெற்றுள்ளனர்.
உலகில் என்ன நடக்கிறது என்பதைப் படித்து, வேலை பெறுவதற்கு
ப் பொருத்தமான பாடங்களைத் தேர்வு செய்யாமல், பொருத்தமான பாடங்களைத்தேர்வு செய்யுமாறு பரீட்சைகள் ஆணையாளர் மாணவர்களை வலியுறுத்தினார்.
“பொதுத் துறை வேலைகளைப் பெறுவது எதிர்காலத்தில் மிகவும் கடினமான பணியாக இருக்கும். எனவே, மாணவர்கள் பாடங்களை புத்திசாலித்தனமாக தேர்வு செய்யுமாறு கேட்டுக்கொள்கிறேன். குறிப்பாக தொழில்நுட்பம் மற்றும் ஆங்கில மொழி சார்ந்த பாடங்களை தெரிவு செய்வதன் மூலம், அவர்கள் தனியார் துறையிலும் வேலை பெற முடியும்“ என்றார்.
இம்முறை முதல் பத்து இடங்களைப் பெற்ற மாணவர்களின் பெறுபேறுகளை பரீட்சை திணைக்களம் வெளியிடாது என அவர் தெரிவித்துள்ளார்.
“இந்தப் பொதுத் தேர்வில் போட்டி இல்லை, முதல் பத்து மாணவர்களை அடையாளம் காண வேண்டிய அவசியம் இல்லை. இது ஒரு பொதுப் பாடம் சார்ந்த தேர்வு மற்றும் உயர் படிப்புகளுக்கான தொடக்கமாகும். அதை நாம் அனைவரும் புரிந்து கொள்ள வேண்டும்” என்று கூறினார்.
+1
+1
+1
+1
+1
+1
+1
Facebook
Twitter
Email
