நேரலைப் பாலியல் துன்புறுத்தல் (Live-streamed Sexual Abuse of Children) என்பது சிறுவர்கள் இணையத்தில் நேரடியாகத் தோன்றி, பாலியல் நடவடிக்கைகளில் ஈடுபடுவதைக் குறிக்கும். சிறுவர்களை உலகில் பல்வேறு இடங்களிலிருந்து ரசிக்கும் பார்வையாளர்கள் முன்னிலையில் தோன்றவைத்து, பாலியல் சார்ந்த நடவடிக்கைகளில் ஈடுபடுத்தி, அதன்மூலம் சிலர் பணம் சம்பாதிக்கும் செயல் உலகம் பூராகவும் இடம்பெறுகின்றது. இச்செயற்பாட்டை உலகில் எந்த ஒரு இடத்திலிருந்தும் பார்க்கக்கூடியவாறு வெப்கேம் அல்லது வேறு நேரலைக் கருவிகள் மூலம் ஒளிபரப்பு இடம்பெறும் (ECPAT International, 2017). இது சில சமயங்களில் ஒரு சூதாட்டமாகவும் இடம்பெறுவதுண்டு.
