தங்களது சொத்து மற்றும் பொறுப்பு அறிவிப்புகளை நிர்ணயிக்கப்பட்ட காலக்கெடுவுக்குள் சமர்ப்பிக்க முடியாத நபர்களுக்கு, மேலும் ஒரு வார கால அவகாச நீட்டிப்பை இலஞ்சம் அல்லது ஊழல் குற்றச்சாட்டுகளை விசாரிக்கும் ஆணையம் இன்று அறிவித்துள்ளது.
இதன்படி, வரும் ஜூலை 7ஆம் தேதி நள்ளிரவு வரை இந்த விபரங்களை இணையவழியில் சமர்ப்பிக்க முடியும் என இலஞ்ச ஆணையத்தின் ஊடக அறிக்கைகள் தெரிவிக்கின்றன.
சொத்து விபரங்களைச் சமர்ப்பிப்பதற்கான இறுதித் தேதியாக ஜூன் 30ஆம் தேதி (இன்று) முன்னதாக அறிவிக்கப்பட்டிருந்தது.
இதனால், ஏராளமான மக்கள் ஒரே நேரத்தில் படிவங்களைச் சமர்ப்பிக்க முயன்றதால், இலஞ்ச ஆணையத்தின் இணையதளத்தில் கடுமையான இணையப் போக்குவரத்து இடையூறுகள் மற்றும் தொழில்நுட்பச் சிக்கல்கள் ஏற்பட்டன.
இதன் காரணமாகவே, அனைத்து நபர்களுக்கும் தங்களின் கட்டாயத் தாக்கல்களைப் பூர்த்தி செய்வதற்கான நியாயமான வாய்ப்பை உறுதி செய்யும் நோக்கில் இந்த ஒரு வார கால அவகாசம் வழங்கப்பட்டுள்ளது.
முன்னதாக, நிர்ணயிக்கப்பட்ட காலக்கெடுவிற்குள் சொத்து விபரங்களைச் சமர்ப்பிக்கத் தவறினால் சட்டப்படி அபராதம் விதிக்கப்படும் என ஆணையத்தின் பணிப்பாளர் நாயகம் ரங்கா திசாநாயக்க எச்சரித்திருந்தமை குறிப்பிடத்தக்கது.
