பேராதனை பல்கலைக்கழகத்தின் பயிர்செய்கை விஞ்ஞானப் பிரிவின் பேராசிரியர் புத்தி மாரம்பே, விவசாய அமைச்சில் வகித்து வந்த அனைத்துப் பதவிகளில் இருந்தும் நீக்கப்பட்டுள்ளார்.
அமைச்சின் செயலாளர் சிரேஸ்ட பேராசிரியர் உதித் ஜயசிங்கவுக்கு அமைச்சர் மஹிந்தானந்த அளுகமகேவினால் இந்த பணிப்புரை விடுக்கப்பட்டதாக விவசாயத்துறை அமைச்சு இன்று அறிவித்துள்ளது.
தேசிய விவசாயக் கொள்கை, இலங்கை விவசாயத் துறை நவீனமயமாக்கல் திட்டம் மற்றும் சிறுதொழில் வியாபார கூட்டுத் திட்டம் ஆகியவற்றை உருவாக்குவதற்கான நிபுணர் குழுவிலிருந்து அவர் நீக்கப்பட்டுள்ளார்.
உர விவகாரத்தில் அரசாங்கத்தின் முடிவுக்கு எதிராக சிவில் அமைப்பு மற்றும் பொது மக்களை அணிதிரட்டுவதற்கு பேராசிரியர் மரம்பே கருத்துகளை வெளியிட்டிருந்தார் என்பது குறிப்பிடத்தக்கது.
