நாடாளுமன்றத்துக்குள்ளும், நீதிமன்றத்துக்கு வெளியேயும், சர்வதேச ரீதியிலும் தேர்தல் உரிமையை பாதுகாக்க தேவையான நடவடிக்கைகள் எடுக்கப்படும் என ஐக்கிய மக்கள் சக்தியின் பொதுச் செயலாளர் ரஞ்சித் மத்துமபண்டார கொழும்பில் தெரிவித்தார்.
எதிர்க்கட்சிகளின் பிரதான அரசியல் நீரோட்டத்தை ஐக்கிய மக்கள் சக்தி வழிநடத்திச் சென்று அனைவரையும் ஒரு பொது மேடைக்கு கொண்டு வந்து தேர்தலுக்குத் தேவையான அனைத்து நடவடிக்கைகளையும் மேற்கொள்ளும் என பொதுச் செயலாளர் தெரிவித்தார்.
எதிர்க்கட்சித் தலைவர் அலுவலகத்தில் நடைபெற்ற ஊடகவியலாளர் சந்திப்பில் மேலும் கருத்துத் தெரிவித்த ஐக்கிய மக்கள் சக்தியின் பொதுச் செயலாளர் மேலும் கூறியதாவது:
“இன்று ஜனாதிபதி ரணில் விக்கிரமசிங்க இந்த நாட்டின் பொருளாதாரத்தை அழித்த குழுவுடன் இணைந்து இந்த நாட்டின் ஜனநாயக உரிமையான உள்ளுராட்சி சபைத் தேர்தலை ஒத்திவைக்க முயற்சிக்கின்றார். உள்ளூராட்சி சபைத் தேர்தல் ஏற்கனவே ஒரு வருடத்தினால் ஒத்திவைக்கப்பட்டுள்ளது.
அவர் 134 வாக்குகளைப் பெற்று ஜனாதிபதியாக பதவியேற்கும் போது, பொதுஜன பெரமுன உறுப்பினர்களுக்கு தேர்தல் நடத்தப்பட மாட்டாது என உறுதியளித்தார். இன்று நாட்டு மக்கள் அரசாங்கத்தையும் பாராளுமன்ற உறுப்பினர்களையும் நிராகரித்துள்ளனர்.
2020 இல் இருந்த வாக்கெடுப்பு அரசாங்கத்திடம் இல்லை. அப்போது நாட்டு மக்களின் கருத்தை மறு ஆய்வு செய்ய வேண்டும். வரலாற்றில் இதற்கு முன்னரும் தேர்தலை ஒத்திவைத்து மக்கள் பாடம் கற்றுள்ளனர்.
எதிர்கட்சியின் அனைத்து கட்சிகளும் ஒன்று கூடி, திட்டமிட்ட திகதியில் தேர்தலை நடத்த அனைத்து நடவடிக்கைகளையும் எடுக்க முடிவு செய்தன. பாராளுமன்றத்திற்கு உள்ளேயும் வெளியேயும் நீதிமன்றங்கள் மற்றும் சர்வதேச ரீதியில் வாக்களிக்கும் உரிமையை பாதுகாப்பதற்கு தேவையான நடவடிக்கைகளை மேற்கொள்வதற்கு தீர்மானிக்கப்பட்டுள்ளது.
அதற்காக ஐக்கிய மக்கள் சக்தி என்பது எதிர்க்கட்சிகளின் முக்கிய அரசியல் நீரோட்டமாக இருப்பதால் அதற்கு தலைமை தாங்கி அனைவரையும் ஒரு பொது மேடைக்கு கொண்டு வர தற்போது தீர்மானிக்கப்பட்டுள்ளது எனவும் தெரிவித்தார்.
பிறசெய்திகள்
