அரசமைப்பின் 13வது திருத்தச் சட்டத்திற்கு அமைய அதிகாரப் பகிர்வை சிறுபான்மை கட்சிகள் கோரினாலும் அவ்வாறான அதிகாரப்பகிர்வு முன்னெடுக்கப்படும் பட்சத்தில் நாடு மீண்டும் பிரிவினைவாதத்திற்கு தள்ளப்படும் என ‘ஒரே நாடு ஒரே சட்டம்’ தொடர்பான ஜனாதிபதி செயலணியின் தலைவர் கலகொட அத்தே ஞானசார தேரர் தெரிவித்துள்ளார்.
மேலும், சிறுபான்மையினரைப் பிரதிநிதித்துவப்படுத்துவதாகக் கூறி அரசியலுக்கு வந்த சிறுபான்மைக் கட்சிகளின் தலைவர்கள் இனங்களை ஒன்றிணைப்பதற்குப் பதிலாக இனங்களைப் பிளவுபடுத்தும் வகையில் செயற்பட்டதாகவும், எனவே 13 கோரிக்கை அல்லது 13 பிளஸ் கோரிக்கையை தற்சமயம் முன்வைக்க வேண்டாம் எனவும் அவர் தெரிவித்துள்ளார்.
இதேவேளை, ‘ஒரு நாடு ஒரே சட்டம்’ தொடர்பான ஜனாதிபதி செயலணி மாதாந்த அறிக்கையை ஜனாதிபதி கோட்டாபய ராஜபக்சவிடம் சமர்ப்பித்து வருகின்றேன்.
தற்போது, ‘ஒரு நாடு ஒரே சட்டம்’ செயலணியில் உள்ள நாங்கள் அனைத்து வடக்கு மற்றும் கிழக்கு மாகாணங்களையும் உள்ளடக்கியுள்ளோம், நாங்கள் வடக்கின் சில பகுதிகளுக்குச் செல்லும் போது, மத்திய அரசினதோ அல்லது எங்கள் அரசமைப்புச் சட்டமோ அமுல்படுத்தப்படவில்லை.
அவர்கள் எமக்கு எல்லா உதாரணங்களையும் வழங்கினர். உதாரணத்திற்கு காத்தான்குடியில் ஒரு சபை உள்ளது, அவர்கள் காத்தான்குடியை அந்த சபையால் ஆளுகிறார்கள், அரசாங்க சட்டம் அங்கு இல்லை, அவ்வாறான செயற்பாடு பாதிப்பை ஏற்படுத்துகிறது.
எனவே ஒரே நாடு ஒரே சட்டம் என்ற கருத்தை நடைமுறைப்படுத்த வேண்டும் என்பதே மக்களின் கோரிக்கையாக இருந்தது. கூடிய விரைவில் இந்த உண்மைகளை நாங்கள் வெளிக்கொண்டு வருவோம்.
இந்த பணிக்குழு எங்கு செல்ல வேண்டும் என்பதை தேர்வு செய்கிறது. ஏனெனில் இந்த சம்பவங்கள் பதிவாகும் பகுதிகள் பற்றிய தகவல்கள் எமக்கு கிடைக்கின்றன. குறிப்பாக புத்தளத்திற்கு வருவோம் என நம்புகிறோம். பாரபட்சமின்றி அனைத்து மாகாணங்களையும் உள்ளடக்குவோம் என நம்புகிறோம்.
உண்மையில், இந்த ஒரே நாடு பணிக்குழு உறுப்பினர்களிடையே ஒரே சட்டத்திற்கு வேறுபாடு இல்லை. அவர்கள் அனைவரும் ஒன்றாக கடினமாக உழைக்கிறார்கள். எமது இந்த அறிக்கையை சமர்ப்பிப்பதற்கு ஜனாதிபதி எங்களுக்கு ஒரு திகதியை வழங்கியுள்ளார்.
அந்தத் திகதிக்கு ஒரு வாரம் முன்னதாகவே இந்த அறிக்கையை நாங்கள் தயார் செய்வோம். ஜனாதிபதிக்கு மாதாந்த அறிக்கையையும் சமர்ப்பிக்கின்றோம். முதல் அறிக்கை ஏற்கனவே கொடுக்கப்பட்டுள்ளது. இரண்டாவது அறிக்கையை இம்மாத இறுதியில் ஜனாதிபதியிடம் சமர்ப்பிப்பேன் என நம்புகிறேன்.
இந்த நாடு எமக்கு சுதந்திரம் வழங்கிய போது வெள்ளையர்கள் நாட்டை ஆண்டது போன்று நாட்டை கட்டியெழுப்ப அல்ல. அதனால்தான் இந்த சிறுபான்மை கட்சிகள் என சிறுபான்மையினரை பிரதிநிதித்துவப்படுத்த வந்த தலைவர்கள் எப்போதும் இந்த தேசத்தை ஒன்றிணைக்காமல் இந்த தேசத்தை பிளவுபடுத்தும் வேலைத்திட்டத்தை உருவாக்கினார்கள்.
வடக்கு, கிழக்கு மற்றும் ஏனைய பிரதேசங்களுக்குச் செல்லும் போது, பொலிஸ் அதிகாரங்கள் இன்றி, இன்று நாட்டின் பிரதான சட்டத்தை அமுல்படுத்தாமல், காணி அதிகாரங்களினால் உருவாக்கப்பட்டுள்ள பிரச்சினைகளை எமது கண்களால் பார்க்கின்றோம்.
அதாவது 13ஆவது திருத்தச் சட்டத்தின் மூலம் அதிகாரப் பகிர்வு அமுல்படுத்தப்படுவதன் ஊடாக நாடு மீண்டும் பிரிவினைவாதத்திற்கு தள்ளப்படும். நீங்கள் இப்போது செய்ய வேண்டியது 13 ஐக் கேட்பது அல்லது 13 பிளஸ் கேட்பது அல்ல. பொதுவாக இனவாதம், மதவெறி அடிப்படையில் அரசியலில் ஈடுபடுபவர்கள் முதலில் புனர்வாழ்வளிக்கப்பட வேண்டும். சாதாரண மக்கள் இவற்றைக் கேட்பதில்லை என அவர் தெரிவித்துள்ளார்.
