ஹட்டன் ஹைலண்ட்ஸ் கல்லூரியின் பழைய மாணவர் சங்கத்தால் நிர்மாணிக்கப்பட்ட ‘WISDOM’ திறந்த வகுப்பறை கட்டடத் தொகுதியின் முதற்கட்டம் கல்லூரியின் ஆரம்பப் பிரிவில் நிர்மாணிக்கப்பட்டு கல்லூரி நிர்வாகத்துக்கு உத்தியோகபூர்வமாகக் கையளிக்கப்பட்டது.
இதன்போது கின்னஸ் உலக சாதனை புத்தகத்தில் இடம்பிடித்த ஹட்டன் ஹைலண்ட்ஸ் கல்லூரியின் மாணவன் லவனிஷ் பாராட்டிக் கௌரவிக்கப்பட்டார்.
இந்த நிகழ்வில் கல்லூரியின் அதிபரும் பழைய மாணவர் சங்கத்தின் தலைவருமான ஸ்ரீதர், ஹட்டன் ஹைலண்ட்ஸ் கல்லூரியின் முன்னாள் அதிபரும் தொண்டமான் தொழிற்பயிற்சி நிலையத்தின் வதிவிட முகாமையாளருமான விஜேயசிங், ஹட்டன் வலயக் கல்விப் பணிமனையின் கோட்டக் கல்வி பணிப்பாளரும் கல்லூரியின் பழைய மாணவியுமான இலட்சுமி பிரபா செல்வேந்திரன், கல்லூரியின் பழைய மாணவர் சங்கத்தின் பொதுச்செயலாளர் அர்ஜுன் ஜெயராஜ் ஆகியோர் கலந்துகொண்டனர்.
