புத்தளம் – கொழும்பு பிரதான வீதியின் சிலாபம் பண்டாரவத்த பகுதியில் நேற்றிரவு இடம்பெற்ற விபத்தில் இளைஞர் ஒருவர் உயிரிழந்ததாக பொலிஸார் தெரிவித்தனர்.
அம்பாறை கோனாகொல்ல பகுதியைச் சேர்ந்த 26 வயதுடை இளைஞர் ஒருவரே இவ்விபத்தில் உயிரிழந்தார்.
சிலாபம் பகுதியிலிருந்து கொழும்பு நோக்கிப் பயணம் செய்து கொண்டிருந்த லொறியொன்று கட்டுப்பாட்டை இழந்து வீதியை விட்டு விலகி வீதியோரத்தில் நின்ற மரமொன்றில் மோதியுள்ளது.
குறித்த லொறியில் பயணம் செய்தஇளைஞர் காயமடைந்த நிலையில், அங்கிருந்தவர்களால் சிலாபம் வைத்தியசாலையில் சிகிச்சைக்காக அனுமதித்த போதிலும், அவர் அங்கு சிகிச்சை பலனின்றி உயிரிழந்தார்.
உயிரிழந்த நபரின் சடலம் பிரேத பரிசோதனைக்காக சிலாபம் வைத்தியசாலையின் பிரேத அறையில் வைக்கப்பட்டுள்ளது.
சிலாபம் பொலிஸார் விபத்து தொடர்பில் மேலதிக விசாரணைகளை மேற்கொண்டு வருகின்றனர்.
ஸ்ரீலங்கா சுதந்திர தினத்தில் புலிகளுக்கு சல்யூட்டா? வைரலாகும் புகைப்படம்
