இந்தியா – இங்கிலாந்து அணிகளுக்கு இடையிலான நான்காவது டெஸ்ட் போட்டியானது உலகின் பழமையான கிரிக்கெட் மைதானங்களில் ஒன்றான மான்செஸ்டரில் உள்ள ஓல்ட் டிராஃபோர்ட் மைதானத்தில் இன்று ஆரம்பமாகவுள்ளது.
அதன்படி, இந்தப் போட்டி இலங்கை நேரப்படி பிற்பகல் 03.30 மணிக்கு ஆரம்பமாகும்.
ஹெடிங்லியில் நடந்த முதல் டெஸ்டில் இங்கிலாந்து ஐந்து விக்கெட் வித்தியாசத்தில் வெற்றி பெற்ற பின்னர், எட்ஜ்பாஸ்டனில் நடந்த இரண்டாவது டெஸ்டில் அற்புதமான வெற்றியைப் பெற்று இந்தியா தொடரை 1-1 என விரைவாக சமன் செய்தது.
மூன்றாவது டெஸ்டில் இந்தியாவின் தோல்விக்குப் பின்னர், இங்கிலாந்து மீண்டும் தொடரில் 2-1 என முன்னிலை பெற்றுள்ளது.
இந்த நிலையில் ஐந்து போட்டிகள் கொண்ட டெஸ்ட் தொடரின் நான்காவது போட்டியில் ஷுப்மான் கில் தலைமையிலான இந்திய அணி, பென் ஸ்டோக்ஸ் தலைமையிலான இங்கிலாந்து அணியை இன்று எதிர்கொள்கிறது.
இதனிடையே, இளம் இந்திய அணி வீரர்களின் காயங்களுக்கு மத்தியில் அணியில் பல மாற்றங்களைச் செய்ய வேண்டிய கட்டாயத்தில் இருப்பதால், நிலைமை மிகவும் கடினமாகிறது.
வேகப்பந்து வீச்சாளர்களான அர்ஷ்தீப் சிங் மற்றும் ஆகாஷ் தீப் இருவரும் காயங்கள் காரணமாக 4 ஆவது போட்டியை இழக்க நேரிடும்.
அதே நேரத்தில், மருத்துவக் காரணங்களால் நிதிஷ் குமார் ரெட்டி தொடரின் மீதமுள்ள போட்டிகளிலிருந்து விலகியுள்ளார்.
இதற்கிடையில், பென் ஸ்டோக்ஸ் தலைமையிலான அணி, தங்கள் அணியில் ஒரே ஒரு மாற்றத்தை மட்டுமே கொண்டு அறிவித்துள்ளது.
ஷோயப் பஷீருக்குப் பதிலாக லியாம் லாசன் மட்டுமே இடம் பெற்றுள்ளார்.
மூன்றாவது டெஸ்டில் ஷோயப் பஷீரின் விரலில் ஏற்பட்ட காயம் காரணமாக தொடரின் எஞ்சிய போட்டிகளுக்கு அவருக்கு ஓய்வு அளிக்கப்பட்டுள்ளது.
மான்செஸ்டர் வானிலை
போட்டிக்கு முந்தைய நாள், மைதானத்தைச் சுற்றி வானிலை பெரும்பாலும் மேகமூட்டமாக இருந்தது.
நேற்றைய தினம் அங்கு மழைப் பொழிவு பதிவானது.
இருப்பினும், அடுத்த ஐந்து நாட்கள் சற்று சிறந்த முன்னறிவிப்பைக் காட்டுகின்றன.
வெப்பநிலை 13–21 டிகிரிக்கு இடையில் இருக்கும் என்று எதிர்பார்க்கப்படுகிறது.
அதற்கு மேல், ஆட்டத்தின் முதல் நாளில் மழை பெய்யும் வாய்ப்புகள் 25 சதவீதம் வரை இருக்கும் என்று வானிலை ஆய்வு நிலையம் தெரிவித்துள்ளது.
இரண்டாவது மற்றும் மூன்றாவது நாளிலும் மழைப்பொழிவு ஆட்டத்தில் சிறிய இடையூறுகளை ஏற்படுத்தும் என்று எதிர்பார்க்கப்படுகிறது.
ஆனால் ஆட்டத்தின் கடைசி இரண்டு நாட்களில் நிலைமைகள் சற்று சிறப்பாக இருக்கும் என்று எதிர்பார்க்கப்படுகிறது.
