கொழும்பு, மார்ச் 17
இந்திய மற்றும் இலங்கை அணிகளுக்கு இடையிலான இரண்டாவது டெஸ்ட் போட்டியின் இரண்டாவது இன்னிங்ஸில் சதம் விளாசிய இலங்கை டெஸ்ட் அணித்தலைவர் திமுத் கருணாரத்ன ஐசிசி டெஸ்ட் துடுப்பாட்ட வீரர்களுக்கான தரவரிசையில் ஐந்தாவது இடத்தில் உள்ளார்.
முன்னதாக ஆறாவது இடத்தில் இருந்த திமுத், பின்னர் எட்டாவது இடத்திற்கு தள்ளப்பட்டார்.
எனினும், இலங்கை மற்றும் இந்திய அணிகளுக்கிடையிலான இரண்டாவது டெஸ்டில் அவர் பெற்ற சதத்துடன், அவர் மூன்று இடங்கள் முன்னேறி 781 போனஸ் புள்ளிகளுடன் ஐந்தாவது இடத்தைப் பிடித்தார்.
இந்தப்பட்டியலில் அஸ்திரேலியாவின் மார்னஸ் லபுசான்ஜே 936 போனஸ் புள்ளிகளுடன் முதலிடத்தில் உள்ளார். இரண்டாவது இடத்தில் இங்கிலாந்தின் ஜோ ரூட்டும், அடுத்த இடத்தில் அவுஸ்திரேலிய வீரர் ஸ்டீவ் ஸ்மித்தும் உள்ளனர்.
மேலும் நான்காவது இடத்தில் நியூசிலாந்து கிரிக்கெட் வீரர் கேன் வில்லியம்சன் உள்ளார்.
