இலங்கையில் தற்போது ஏற்பட்டுள்ள பொருளாதார நெருக்கடி நிலைக்கு மத்தியில் விமான எரிபொருள் பற்றாக்குறை உட்பட்ட பிரச்சினைகளுக்கு நம்பகமான தீர்வு எதுவும் இன்னும் கிடைக்கப்பெறவில்லை என தெரிவிக்கப்படுகிறது.
அதேவேளை பல விமான நிறுவனங்கள் இலங்கைக்கான தங்களது நடவடிக்கைகளை இடைநிறுத்துவது குறித்து ஆலோசித்து வருகின்றன. இது இலங்கையின் சுற்றுலாத் துறையின் மீட்சிக்கு அச்சுறுத்தலை ஏற்படுத்தியுள்ளது.
இலங்கை பெட்ரோலிய கூட்டுத்தாபனத்தை தவிர இலங்கை துறைமுக அதிகார சபையில் பதிவு செய்யப்பட்ட பதுங்கு குழி வைத்திருப்பவர்கள்(Jet A-1 )விமான எரிபொருளை இறக்குமதி செய்வதற்கு அமைச்சரவை கடந்த மாதம் அங்கீகாரம் வழங்கியுள்ளது.
எனினும் அந்நிய செலாவணி நெருக்கடி காரணமாக தேவையான ஜெட் எரிபொருள் இறக்குமதி செய்யப்படவில்லை.
இந்த நிலையில் குறைந்தபட்சம் 30 நாள் கடன் அடிப்படையில் ஜெட் எரிபொருளை வழங்கத் தயாராக இருக்கும் புதிய விநியோகஸ்தர்களை கண்டறிய வேண்டியுள்ளதாக பதிவு செய்யப்பட்ட பதுங்கி குழிகளை வைத்திருப்பவர்கள் தெரிவித்துள்ளனர்.
இதற்கிடையில் இலங்கை பெட்ரோலியக் கூட்டுத்தாபனம் மூலமாகவோ அல்லது வேறு எந்த மாற்று முறை மூலமாகவோ ஜெட் எரிபொருளை இறக்குமதி செய்வதற்கான எந்த நடவடிக்கையும் தற்போது இல்லை என்று கட்டுநாயக்க விமான நிலைய அதிகாரிகள் தெரிவித்துள்ளனர்.
இதன் காரணமாக விமான நிறுவனங்கள் தங்கள் விமானங்களை வேறு விமான நிலையங்களுக்கு திருப்பிவிடுகின்றன.தற்போதைய நிலவரப்படி சில விமான நிறுவனங்கள் ஏற்கனவே வெளியேறியுள்ளன. மற்றும் சில விமான நிறுவனங்கள் வெளியேறுவது பற்றி ஆலோசித்து வருகின்றன.
மேலும் இலங்கை பெட்ரோலியக் கூட்டுத்தாபனம் மூலமாகவோ அல்லது வேறு எந்த மாற்று முறை மூலமாகவோ ஜெட் எரிபொருளை இறக்குமதி செய்வதற்கான எந்த நடவடிக்கையும் தற்போது இல்லை என்று கட்டுநாயக்க விமான நிலைய அதிகாரிகள் தெரிவித்துள்ளனர்.
இதன் காரணமாக விமான நிறுவனங்கள் தங்கள் விமானங்களை வேறு விமான நிலையங்களுக்கு திருப்பிவிடுகின்றன.தற்போதைய நிலவரப்படி சில விமான நிறுவனங்கள் ஏற்கனவே வெளியேறியுள்ளன. மற்றும் சில விமான நிறுவனங்கள் வெளியேறுவது பற்றி ஆலோசித்து வருகின்றன.
அவர்கள் வெளியேறிவிட்டால் அவர்களை திரும்பப் பெறுவது மிகவும் கடினமாக இருக்கும் என்று விமான நிலைய அதிகாரிகள் தெரிவித்துள்ளனர்.
பிற செய்திகள்
