நகர்ப்புறங்களில் நிலவும் எரிவாயு தட்டுப்பாடு ஓரளவுக்கு நிவர்த்தி செய்யப்பட்டுள்ளதாக அகில இலங்கை சிற்றுண்டிச்சாலை உரிமையாளர்கள் சங்கம் தெரிவித்துள்ளது.
எரிவாயு பற்றாக்குறை காரணமாக சமீப காலமாக அதிக எண்ணிக்கையிலான சிற்றுண்டிச்சாலைகளை மூட வேண்டிய கட்டாயம் ஏற்பட்டதாக சங்கத்தின் தலைவர் அசேல சம்பத் தெரிவித்துள்ளார்.
இருப்பினும், இப்போது, குறிப்பாக நகர்ப்புறங்களில், எரிவாயு சிலிண்டர்கள் தொடர்ந்து விநியோகிக்கப்படுகின்றன, மேலும் வரிசைகளின் நீளமும் குறைக்கப்பட்டுள்ளதாகவும் அவர் தெரிவித்தார்.
லிட்ரோ எரிவாயு நிறுவனத்தின் தலைவரின் தகவலின்படி அடுத்த சில மாதங்களுக்கு தேவையான எரிவாயு இருப்புக்களை கொள்வனவு செய்வதற்கு அரசாங்கம் உலக வங்கியுடன் உடன்படிக்கையில் ஈடுபட்டுள்ளதாகவும் அவர் தெரிவித்துள்ளார்.
எரிவாயு விநியோகத்தின் முன்னேற்ற நிலை தொழில்துறைக்கு வரவேற்கத்தக்க நிவாரணமாகும் என்றும் அவர் குறிப்பிட்டார்.
பிறசெய்திகள்
