தனது நலன்புரி சங்கத்தின் மூலம் இலங்கைக்கு உதவும் விருப்பத்தை தென்னிந்தியத் திரைப்பட நடிகர், உலகநாயகன் கமலஹாசன், சென்னையிலுள்ள இலங்கையின் துணைத்தூதுவரிடம் வெளிப்படுத்தியுள்ளார்.
கமலஹாசன், சென்னையில் உள்ள இலங்கைத் தூதரகத்துக்கு கடந்த 24ஆம் திகதி பயணம் மேற்கொண்டுள்ளார்.
இதன்போது இலங்கையின் இயற்கை அழகு மற்றும் சினிமாத் துறை குறித்து கலந்துரையாடினார் என்று தெரிவிக்கப்பட்டுள்ளது.
இந்தநிலையில் இலங்கையின் சுற்றுலாத் துறையை மேம்படுத்துவதற்கான கமலஹாசனும் திரையுலகக் குழுவினரும் இலங்கைக்கு வருகை தரவேண்டும் என்று இலங்கையின் துணைத் தூதுவர் டி.வெங்கடேஷ்வரன் கோரிக்கை ஒன்றை முன்வைத்தார்.
