போராட்டத்தில் மக்களின் உண்மையான அபிலாஷைகளை வென்றெடுப்பதற்கு, அதன் கெட்ட அம்சங்களைக் களைந்து, நல்ல இலக்குகளுடன் மீண்டும் ஒன்றிணைய வேண்டுமென ஜனாதிபதி ரணில் விக்கிரமசிங்க தெரிவித்தார்.
தென்னிலங்கையின் பிரதான சபைத் தலைவர் கலாநிதி ஓமல்பே சோபித தேரர் உள்ளிட்ட மக்கள் பேரவையில் சர்வகட்சி அரசாங்கத்தை அமைக்கும் பிரேரணை தொடர்பில் ஜனாதிபதி அலுவலகத்தில் இடம்பெற்ற சந்திப்பிலேயே ஜனாதிபதி இதனைக் குறிப்பிட்டுள்ளார்.
பல அரசியல் கட்சிகள் மற்றும் குழுக்களுடன் கலந்துரையாடல் நடத்தப்பட்டுள்ளதாகவும் தேசிய மக்கள் சக்தி, மக்கள் விடுதலை முன்னணி உள்ளிட்ட சில கட்சிகள் தொடர்பில் மாத்திரம் கலந்துரையாடவுள்ளதாக ஜனாதிபதி தெரிவித்தார்.
இதில் கலந்து கொண்டு உரையாற்றிய தென்னிலங்கையின் பிரதம சங்க தலைவர் கலாநிதி ஓமல்பே சோபித தேரர், முன்னெடுக்கப்பட்டு வரும் வேலைத்திட்டத்தில் பொதுமக்கள் கலந்து கொண்டு அனைத்துக் கட்சிகளின் ஸ்திரத்தன்மைக்காக அமுல்படுத்தப்படும் அமைதியான வேலைத்திட்டத்தில் இணைந்து கொள்ள தயாராக இருக்க வேண்டும் என்றார்.
சட்டவிரோத, அரசியலமைப்புக்கு முரணான மற்றும் குண்டர் பயங்கரவாதச் செயல்களை நாங்கள் ஒருபோதும் மன்னிக்க மாட்டோம் என்றும், மக்களுக்கு ஒன்றும் செய்யாத காரணத்தினால்தான் மக்கள் போராட்டங்கள் அமைதியான முறையில் முன்னெடுக்கப்பட்டதாகவும் சோபித நஹிமி தெரிவித்தார்.
பிற செய்திகள்
