புத்தளம், சிலாபம் புகையிரத வீதியின் பல இடங்களில் புகையிரத பாதை சேதமடைந்துள்ளதுடன், முந்தல், மங்கள எளிய அம்பலவெளி பகுதியில் புகையிரத வீதி கடும் சேதமடைந்து காணப்படுகிறது.
சுமார் 100 மீற்றர் வரை பாரிய குழிகள் ஏற்பட்டு குறித்த புகையிரத பாதை சேதமடைந்த நிலையில் இருப்பதை அவதானிக்க முடிகின்றது.
கடந்த காலங்களில் இந்தப் பகுதி வெள்ளத்தில் மூழ்கிய போதும் இவ்வாறு புகையிரத பாதை பாரிய அளவில் சேதமடையவில்லை என அப்பகுதி மக்கள் தெரிவிக்கின்றனர்.
இதேவேளை, கொழும்பு, புத்தளம் புகையிரத பாதை இவ்வாறு சேதமடைந்து காணப்படுவதால், கொழும்பில் இருந்து பங்கதெனிய வரையான புகையிரத சேவைகள் மட்டுப்படுத்தப்பட்டுள்ளதாக புகையிரத கட்டுப்பாட்டு அறை தெரிவித்துள்ளது.
