இலங்கை மக்கள் இன்று கொண்டாடுவது உண்மையான சுதந்திரம் அல்ல என ஆரோக்கிய வல்லுநர் சங்கத்தின் தலைவர் ரவி குமுதேஷ் தெரிவித்துள்ளார்.
இன்று இடம்பெற்ற ஊடகவியலாளர் சந்திப்பின் போதே அவர் இவ்வாறு தெரிவித்துள்ளார்.
மேலும் அவர் தெரிவிக்கையில்,
ஆங்கிலேயர்களின் ஆட்சியில் இருந்து நாடு விடுதலை பெறுவதை மட்டும் சுதந்திரமாக கருத முடியாது.
இச் சுதந்திர கொண்டாட்டத்திற்குள், உண்மையான சுதந்திரத்தைப் பற்றி சிந்திக்கும் மக்களின் சுதந்திரம் சிறையில் அடைக்கப்பட்டுள்ளது
சுதந்திரம் என்பது மனித விழுமியங்கள் நிலைநிறுத்தப்படும் ஒரு சமூகத்தில், குடிமக்களுக்கு அவர்களைப் பாதிக்காதவாறு முடிவுகளை எடுக்கும் உரிமை உள்ளதே ஆகும்.
நாட்டில், குடிமக்கள் அனைத்து வகையான அடக்க முறைகள் மற்றும் வன்முறைகளிலிருந்து விடுபட்டால் மட்டுமே உண்மையான சுதந்திரமான வாழ்க்கையை வாழ முடியும்.
அத்தகைய சமூக சூழலை உருவாக்குவதற்கு சேவையாளர்களின் திறன் மிகவும் முக்கியமானது.
கடனை அடைக்க முடியாமல், கடன் வாங்க முடியாமல் தவிக்கும் நாட்டில், அத்தகைய சுதந்திரத்தை அவர்களால் அனுபவிக்க முடியாது.
இன்று நாட்டில் மக்கள் சுதந்திரமான வாழ்க்கை வாழ்வதற்கான பொருளாதாரத் திறனை இழந்துள்ளனர்.
பெரும் வாழ்க்கைச் செலவிற்கு ஏற்ற பொருளாதார வசதி இல்லாததால் மனித வாழ்க்கையின் சுதந்திரத்தை அனுபவிப்பதற்குப் பதிலாக, வாழ்க்கையைத் தக்கவைத்துக்கொள்ளும் வாழ்க்கைப் போராட்டத்தில் வெறுமனே சிக்கிக் கொள்கிறார்கள்.
சுதந்திர தின நிகழ்வில் கலந்து கொண்ட ஜனாதிபதி, எல்லோரும் சொல்வதை செய்கிறேன், சரியானதை செய்கிறேன் என்று கூறுகிறார். ஆனால் அங்கு ஒன்றும் நடைபெறுவது இல்லை.
நாட்டு மக்களின் பொருளாதார மற்றும் அரசியல் சுதந்திரம் அதில் புதைந்து கிடப்பதை ஜனாதிபதிக்கு நினைவுபடுத்த வேண்டி உள்ளது.
இன்று நாம் நவீன உலகில் வாழ்கிறோம். நாடுகள், இனங்கள், சாதிகள், மதங்கள் போன்ற பிரிவுகள் அல்லது காலாவதியான கதைகள் நவீன மனித வாழ்க்கையில் உள்ள இன்னல்களை விடுவிக்க முடியாது.
ஒரு சில தரவு கையாளுபவர்களின் கைதிகளாக, நிர்வாண மனிதர்களாக இருக்கக்கூடாது. புதிய உலகை சமாளித்து வாழ வேண்டும் என்றார்.
