பொலன்னறுவை மாவட்டத்தில் உள்ள பராக்கிரமபாகு சமுத்திர வாவியின் சுவரில் உள்ள கற்களை அகற்றி நடைபாதை அமைப்பதற்கு அம் மாவட்டத்தில் உள்ள முப்பெரும் மகா சங்கம் கடந்த வெள்ளிக்கிழமை ( 27) எதிர்ப்பு தெரிவித்தது.
தற்போது அங்கு மேற்கொள்ளப்பட்டு வரும் பெக்ஹோ இயந்திரத்தைப் பயன்படுத்தி வாவி சுவரில் இருந்து கற்களை அகற்றுவதை நீர்ப்பாசனத் துறை உடனடியாக நிறுத்த வேண்டும் என்று அவர்கள் வலியுறுத்தியுள்ளனர்.
பொலன்னறுவை பராக்கிரமபாகு சமுத்திரத்தின் சிற்றலைகளால் ஏற்படும் அறிப்பினை கட்டுபடுத்தி குளத்தினை பாதுகாக்கப் பயன்படுத்தப்படும் தொட்டி சுவர்களை அகற்றி , நீர்ப்பாசனத் திணைக்களத்தால் ஒன்றரை கிலோமீட்டருக்கும் அதிகமான நீளமான நடைபாதை அமைக்க நடவடிக்கைகள் மேற்கொள்ளப்பட்டு வருகின்றன.இதற்கு பொலன்னறுவை பகுதி விவசாயிகள் எதிர்ப்பு தெரிவித்துள்ளனர்.
தன்னார்வ அமைப்புகளின் பிரதிநிதிகள் மற்றும் விவசாயிகள் மகா சங்கத்தின் விவசாயிகள் மற்றும் விவசாயிகள் அமைப்புகளின் எதிர்ப்பையும் மீறி கட்டுமானம் மேற்கொள்ளப்படுவதாக தெரிவித்தனர்.
பராக்கிரமபாகு சமுத்திரத்தில் உள்ள பன்னாராதன மதகிலிருந்து அரசாங்க அதிகாரியின் உத்தியோகபூர்வ இல்லத்திற்கு அருகில் வரை இந்த நடைபாதையை அமைக்க திட்டமிடப்பட்டுள்ளதாகவும் அவர்கள் தெரிவித்தனர்.
