வெள்ளத்தில் இருந்து தப்பிக்க தென்னை மரத்தின் உச்சியில் கிட்டத்தட்ட 24 மணி நேரம் தொங்கிக் கொண்டிருந்த விவசாயி, இலங்கை விமானப்படையால் விமானம் மூலம் பாதுகாப்பாக மீட்கப்பட்ட நிலையில், வியத்தகு மீட்பு குறித்து விவரித்துள்ளார்.
குறித்த விவசாயி இது தொடர்பாக கூறுகையில் ,
கலா வாவி பெருக்கெடுத்ததைத் தொடர்ந்து வயல்கள் நீரில் மூழ்கியது, தனது கால்நடைகள் ஆபத்தில் இருப்பதாகக் கேள்விப்பட்டு வெள்ளிக்கிழமை அதிகாலை வெளியே ஓடிவந்ததாக தெரிவித்தார்.
வெள்ளத்தில் இறங்கி பல மாடுகளை அவிழ்த்து பாதுகாப்பான இடத்திற்கு அழைத்துச் சென்றதாகவும் , மீதமுள்ள மாடுகளை மீட்க திரும்பி வந்த போது, அவை நீரில் மிதப்பதைக் கண்டுள்ளார், குறித்த மாடுகள் உயிருடன் இல்லை என அறிந்த பின்னர் நிற்கவே சிரமப்பட்டுள்ளார்.
“என் மகனை வர வேண்டாம் என்று சொன்னேன். நான் தனியாகச் சென்று விலங்குகளை அழைத்து வருவேன்,”அவை போராடுவதைப் பார்க்க என்னால் தாங்க முடியவில்லை. அவற்றை என்னுடன் அருகிலுள்ள ஒரு குடிசைக்கு பாதுகாப்பாக அழைத்துச் சென்றேன். ஆனால் தண்ணீர் உயரத் தொடங்கியதும், மாடுகளை விட்டு செல்ல நான் தீர்மானித்தேன். பின்னர் நான் மரத்தில் ஏறினேன்” என அவர் குறிப்பிட்டார்..
நீர்மட்டம் உயர்ந்தை தொடர்ந்து அவர் மரத்தில் தஞ்சம் புகுந்துள்ளார், விலங்குகளில் ஒன்று போராடுவதைக் கண்காணித்ததாகவும், ஆனால் தன்னைத்தானே காப்பாற்றிக் கொண்டதாகவும் விவசாயி குறிப்பிட்டார்.
முந்தைய இரவிலிருந்து குறித்த நபர் சாப்பிடவில்லை, மரத்தில் ஒட்டிக்கொண்டிருந்தபோது பறித்த இளநீர் ஒன்றைக் குடித்து மட்டுமே உயிர் பிழைத்துள்ளார்
மதியத்திற்குள் மீட்புப் படகு அந்தப் பகுதியை அடைந்தது, ஆனால் பலத்த நீரோட்டம் காரணமாக அருகில் செல்ல முடியவில்லை. “அவர்கள் மூன்று அல்லது நான்கு முறை முயன்றனர், பின்னர் திரும்பி வருவதாகக் கூறினர்.
இரவு நேரத்தில், பலத்த மழையும் பலத்த காற்றும் நிலைமையை மோசமாக்கியது. “எனக்குக் குளிர்ச்சியாகவும் நடுக்கமாகவும் இருந்தது, ஆனால் யாராவது வருவார்கள் என்று நான் நம்பிக்கையுடன் இருந்தேன்.”எனவும் அவர் மேலும் தெரிவித்தார்.
இலங்கை விமானப்படை பெல்-212 ஹெலிகாப்டர் அவரை பாதுகாப்பாக ஏற்றிச் சென்ற போது குறித்த விவசாயி பாதுகாப்பாக மீட்கப்பட்டுள்ளார்.
