முல்லைத்தீவு, மாந்தை கிழக்கு பாண்டியன் குளம் கரும்புள்ளியான் பகுதியில் அமைந்துள்ள வீடொன்றில் நேற்று நள்ளிரவு இனந்தெரியாத நபர்கள் நடத்திய வாள் வெட்டு தாக்குதலில் ஒருவர் படுகாயமடைந்துள்ளார்.
தாக்குதல்களினால் வீட்டில் நிறுத்திவைக்கப்பட்டிருந்த வாகனமும் பொருள்களும் சேதமாக்கப்பட்டுள்ளன.
சம்பவத்தில் 3 பிள்ளைகளின் தந்தையான செல்வராசா யாதவராசா (43) என்பவரே படுகாயங்களுக்குள்ளான நிலையில் மல்லாவி மருத்துவமனையில் அனுமதிக்கப்பட்டு மேலதிக சிகிச்சைகளுக்காக வவுனியா மருத்துவமனைக்கு மாற்றப்பட்டுள்ளார்.
குறித்த சம்பவம் தொடர்பாக மேலதிக விசாரணைக்களை மல்லாவி பொலிஸார் மேற்கொண்டு வருகின்றனர்.
