புரைக்கேறிய குழந்தை சாவு அதற்குக்கூட கொரோனா!
பால் புரைக்கேறியது என்றுகூறி மருத்துவமனையில் சேர்க்கப்பட்ட குழந்தை உயிரிழந்தது. அதற்கு மேற்கொள்ளப்பட்ட பி.சி.ஆர். பரிசோதனையில் கொரோனாத் தொற்று உறுதிப்படுத்தப்பட்டது.
இந்தச் சம்பவம், பருத்தித்துறை உடுப்பிட்டியில் நேற்று இடம்பெற்றது.
ஒரு வயதும் 3 மாதங்களும் நிரம்பிய அந்தப் பெண் குழந்தை பருத்தித்துறை ஆதார மருத்துவமனையில் வெளிநோயாளர் பிரிவில் சேர்க்கப்பட்டபோதே உயிரிழந்துவிட்டது என்பது உறுதிப்படுத்தப்பட்டது.
அதனையடுத்து, யாழ்ப்பாணம் போதனா மருத்துவமனையில் மேற்கொள்ளப்பட்ட பரிசோதனையிலேயே தொற்று உறுதிப்படுத்தப்பட்டது.
