பட்டதாரிகளுக்கு அரச நியமனம் இல்லை சித்த வைத்தியர்கள் சங்கம் ஆதங்கம்!

1,000 பட்டதாரிகளுக்கு அரச நியமனம் இல்லை சித்த வைத்தியர்கள் சங்கம் ஆதங்கம்!

ஆயுள்வேத, சித்த, யுனானி உள்ளிட்ட துறைகளில் பட்டம்பெற்று உள்ளக பயிற்சிகளை நிறைவு செய்துள்ள சுமார் ஆயிரத்துக்கும் மேற்பட்டவர்களுக்கு இதுவரை அரச நியமனம் கிடைக்கவில்லை என்று சித்த வைத்தியச் சங்கத் தலைவர் ஹபில் தெரிவித்துள்ளார்.
இவர்களுக்கு 2017ஆம் ஆண்டில் இருந்து அரச நியமனம் கிடைக்கவில்லை.

கொரோனாவை சுதேச மருத்துவத்தின் மூலம் கட்டுப்படுத்த இவர்கள் தயாராக உள்ளனர். எனவே கொரோனா இடர்காலத்தை கருத்தில் கொண்டு சுகாதார துறையை வலுப்படுத்த வேலையற்ற பட்டதாரிகளுக்கு அரச நியமனம் வழங்க வேண்டும். இது தொடர்பாக சுதேச வைத்திய இராஜாங்க அமைச்சர், ஜனாதிபதி மற்றும் பிரதமர் ஆகியோருக்கும் கடிதங்கள் அனுப்பப்பட்டுள்ளன.

எனினும் இதுவரை சாதகமான பதில் கிடைக்கவில்லை. எனவே குறித்த பட்டதாரிகளுக்கு உடனடியாக அரச நியமனம் வழங்கி நாட்டு மக்களுக்கு புத்துணர்ச்சியுடன் சேவையாற்ற உரிய அதிகாரிகள் நடவடிக்கை எடுக்க வேண்டும் என்றும் அவர் கோரிக்கை விடுத்துள்ளார்.