கொழும்பு,மே 18
நாட்டில் நிலவும் காலநிலை மாற்றத்துக்கு ஏற்ப ஐந்து மாவட்டங்களுக்கு விடுக்கப்பட்டுள்ள மண்சரிவு எச்சரிக்கையை தேசிய கட்டட ஆராய்ச்சி நிறுவகம் (NBRO) நீடித்துள்ளது.
அதற்கமைய, களுத்துறை, கண்டி, கேகாலை, நுவரெலியா மற்றும் இரத்தினபுரி ஆகிய மாவட்டங்களுக்கு விடுக்கப்பட்ட மண்சரிவு எச்சரிக்கை, வியாழக்கிழமை மாலை 4 மணி வரை நீடிக்கப்பட்டுள்ளது.
இதேவேளை, வியாழக்கிழமை தென்மேற்கு பருவப் பெயர்ச்சி மழை இலங்கையில் நிலைகொள்ளும் என எதிர்பார்க்கப்படுவதாக வளிமண்டலவியல் திணைக்களம் தெரிவித்துள்ளது.
