இலங்கைக்கு எதிராக நேற்று இரவு நடைபெற்ற முதலாவது சர்வதேச இருபது 20 கிரிக்கெட் போட்டியில் அவுஸ்ரேலியா அணி 10 விக்கெட்களால் மிக இலகுவாக வெற்றி பெற்றது.
இப்போட்டியில் நாணய சுழற்சியில் வெற்றிபெற்ற அவுஸ்ரேலியா அணி முதலில் களத்தடுப்பில் ஈடுபட தீர்மானித்ததை அடுத்து இலங்கை அணி முதலில் துடுப்பெடுத்தாடியது.
அதன்படி முதலில் களமிறங்கிய இலங்கை அணி 19.3 ஓவர்கள் நிறைவில் அனைத்து விக்கெட்களையும் இழந்து 128 ஓட்டங்களை மாத்திரமே பெற்றுக்கொண்டது.
இந்நிலையில் 129 ஓட்டங்கள் என்ற வெற்றி இலக்கை நோக்கி பதிலுக்கு துடுப்பெடுத்தாடிய அவுஸ்ரேலியா அணி 14 ஓவர்களில் விக்கெட் இழப்பு இன்றி வெற்றி இலக்கை கடந்தது.
அவ்வணி சார்பாக டேவிட் வோர்னர் 70 ஓட்டங்களையும் அணித்தலைவர் ஆரோன் பின்ச் 61 ஓட்டங்களையும் அணிக்காக பெற்றுக்கொடுத்தனர்.
