கொழும்பு,ஜுன் 09
சிறந்த பயண அனுபத்தை ஏற்படுத்தும் பொருட்டு இலங்கையின் முதலாவது இலத்திரனியல் சைக்கிள் நிறுவனமான Rhoda நிறுவனத்துடன் செலான் வங்கி கைகோர்த்துள்ளது.
இதற்கமைய வங்கி வசதிகள் மற்றும் வலையமைப்பு வசதிகளை வழங்குவதற்கான பங்காளராக Rhoda நிறுவனத்துடன் செலான் வங்கி கைகோர்த்துள்ளது.
அத்துடன், Rhoda இலத்திரனியல் சைக்கிள் விற்பனையை ஊக்குவிக்கும் வகையில் பூச்சியம் வட்டி வீதத்துடனான கடனட்டை மாதாந்த கொடுப்பனவு வசதிகள் மற்றும் தனிப்பட்ட கடன் வசதிகளையும் வழங்க செலான் வங்கி முன்வந்துள்ளது.
மேலும், சிறிய மற்றும் நடுத்தர வணிகங்களுக்கு முன்னுரிமை வழங்கி செயற்பட தயாராக உள்ளதாகவும் செலான் வங்கி தெரிவித்துள்ளது.
இதற்கு மேலதிகமாக இணைய மற்றும் ஏனைய வழிகளின் ஊடாக மக்களை சென்றடைதல் உள்ளிட்ட புதிய வணிக வாய்ப்புகளுக்காக Rhoda நிறுவனத்துக்கு உதவ தயாராக உள்ளதாகவும் செலான் வங்கி தெரிவித்துள்ளது. இதேவேளை, Rhoda இலத்திரனியல் சைக்கிளினை பயனாளர்கள் தமது திறன்பேசி செயலியுடன் இணைத்து பயன்படுத்த முடியும் என தெரிவிக்கப்பட்டுள்ளமையும் குறிப்பிடத்தக்கது.
