நாட்டின் பல பிரதேசங்களில் கடந்த மூன்று மாத காலத்தில் எரிவாயு, டீசல், பெற்றோல் மற்றும் மண்ணெண்ணெயை கோரி 3,516 ஆர்ப்பாட்டங்கள் நடந்துள்ளதாக பொலிஸ் திணைக்களத்தின் புதிய அறிக்கை ஒன்றில் தெரிவிக்கப்பட்டுள்ளது.
கடந்த மார்ச் மாதம் 7 ஆம் திகதி முதல் ஜூன் மாதம் 8 ஆம் திகதி வரையான மூன்று மாதங்களில் சமையல் எரிவாயுவை கோரியே அதிகளவிலான ஆர்ப்பாட்டங்கள் நடத்தப்பட்டுள்ளன.
சமையல் எரிவாயு கோரி 1185 ஆர்ப்பாட்டங்கள் நடத்தப்பட்டுள்ளன. பெற்றோலை கோரி 1173 ஆர்ப்பாட்டங்களும், டீசலை கோரி ஆயிரத்து 5 ஆர்ப்பாட்டங்களும், மண்எண்ணெயை கோரி 153 ஆர்ப்பாட்டங்களும் இந்த காலப் பகுதியில் நடத்தப்பட்டுள்ளன.
மே மாதம் 2 ஆம் திகதி முதல் மே மாதம் 8 ஆம் திகதியுடன் முடிவடைந்த வாரத்திலேயே இவற்றில் அதிகளவான ஆர்ப்பாட்டங்கள் நடந்துள்ளன.
அந்த வாரத்தில் நாடு முழுவதும் 1,111 ஆர்ப்பாட்டங்கள் நடத்தப்பட்டுள்ளதாக பொலிஸ் திணைக்களத்தின் அறிக்கையில் கூறப்பட்டுள்ளது.
இந்த ஆர்ப்பாட்டங்களில் லட்சக்கணக்கான மக்கள் கலந்துக்கொண்டதாகவும் அதில் தெரிவிக்கப்பட்டுள்ளது.
பிற செய்திகள்
