திருமலை ஹபரன வீதியில் விபத்து: நால்வர் காயம்

ஹபரன, ஜுன் 18

திருகோணமலை ஹபரன பிரதான வீதியில் இடம்பெற்ற வாகன விபத்தில் நால்வர் காயமடைந்துள்ளனர் திருகோணமலை ஹபரன பிரதான வீதியில் இன்று அதிகாலை இந்த சம்பவம் இடம்பெற்றதாக பொலிஸார் தெரிவித்துள்ளனர்

குறித்த பகுதியில் பயணித்த வேன் ஒன்று எதிர்த்திசையில் பயணித்த லொறியொன்றுடன் மோதியதில் இவ்வாறு விபத்துக்குள்ளாகியுள்ளது.

சம்பவத்தில் வேனில் பயணித்த ஒரே குடும்பத்தைச் சேர்ந்த நால்வர் காயமடைந்துள்ள நிலையில் சிகிச்சைகளுக்காக தம்புள்ளை வைத்தியசாலையில் அனுமதிக்கப்பட்டுள்ளனர்.

கொழும்பிலிருந்து மட்டக்களப்பு நோக்கி பயணித்த வேன் ஒன்றும் திருகோணமலையிலிருந்து குருணாகல் நோக்கி பயணித்த லொறியொன்றும் இவ்வாறு விபத்துக்குள்ளாகியுள்ளது. சம்பவம் தொடர்பில் ஹபரன பொலிஸார் மேலதிக விசாரணைகளை முன்னெடுத்துள்ளனர்